Autore: diana

Barchete de patate al forno (per 4 persone)

8 patate “novelle”
2 cuciari de buro sfuso,
sal,
6 zivole taiade sotili,
2 cuciari de formaio  de oto mesi gratado,
5 deca de salame (o mortadela) taiado a fete sotili

Se meti le patate nel forno , za pronto a 200 gradi, per un’ora o nel microonde a temperatura assai alta per 15 minuti. Tirar fora le patate, taiarle a metà, scavarle fin a lassar un spessor de 5 milimetri o poco più. Diventade de le barchete meter le patate, dopo aver spalmado l’interno con del buro, su una lastra de griglia capovolte ma voltarle per un per de volte per cinque minuti. A la fine, quando ancora che le xe calde,  agiunger su l’interno de ogni barcheta sal, el formaio gratà, le fetine de zivola, salame o mortadela.

Pastici ripieni (per 4 persone)

22 deca e mezo de patate lesse taiade a picoli dadi
1 picola carota anche ela taiada a dadini
22 deca e mezo de carne de manzo a dadini
1 poro taiado a fetine
sal
22 deca e mezo de pasta tenera salada
1 deca e mezo de buro
1 ovo
oio de semi
rucola o sugo de zivola

Spalmar con l’oio un stampo de fero o de aluminio. Misciar per ben in una piadina le patate, le carote, el poro, la carne e’l sal. Taiar la pasta in quatro parti uguali e su la tola spalmada de farina formar quatro pastici (“focacce”) de venti centimetri. Meter su tute el ripien de patate e le altre robe lassando libero un bordo de circa un centimetro, che bisognerà esser spenelado co’ un bianco de ovo. Ciapar co’ i diti de le do man el contorno de i pastici (“focacce”) e piegarle su se stesse pressandolo per serarle ben. Meterle ne la tecia spenelandole co’ el resto de l’ovo. Meter la tecia nel forno za caldo e lassarla là per venti minuti.  Sbassar el caldo a 160 gradi e continuar cussì per altri trenta. Tirar fora la tecia e servir sui piati assieme al sugo de zivola o con insalada verde, rucola o altro.

Omlett ripiene de carne e verdure (per  4 persone)

2 ovi
200 ml  de late
12 deca e mezo de farina
4 cuciari de oio de mais
1 zivola
un peveron de 8 deca
6 deca de funghi
10 deca de carne de manzo
10 deca de brocoli scongeladi
1 dado Knorr per pasta
un tubeto de crema RAMA
cavolo taiado a picole  e strete fete o poro taiado a fete larghe

Preparar una pasta misciando i ovi, el late, la farina e 4 cuciari de oio de mais. Su una padela ben calda slargar la pasta cussì otignuda, a bassa temperatura, fin a farla diventar cota. Voltarla e scaldarla per  circa un minuto. Continuar cussì fin a consumar tuta la pasta. Tirar via la scorza a la zivola e po taiarla a dadini misciandola co’ la paprica. Scaldar a parte 4 cuciari de oio de mais in una tecia, rosolar la zivola, paprica coi funghi e zontar el masinado de carne, rostir ancora un poco e zontar 3 otavi de aqua, po dopo un minuto meterghe el dado Knorr e i brocoli. Lassar boir a fogo lento per circa 5 minuti. Trasferir le omlett su un piato e su ogniduna meter l’impasto, rodolarle e co’ un cuciar butarghe sora un poco de crema RAMA co’ el cavolo o el poro za taiadi.

Cocktails  de benvenuto dei ani ’50

Rossini:
iazo, 1 d. vermuth Martini rosso, 1 vodka, 1 aperitivo rosso, 5 goce de China Martini, una feta de naranza o limon.

Sogno estivo:
iazo, 2 d. vodka, 1 apricot brandy, 1 sugo de naranza.

Cuba libre:
40 gr de rum Bacardi, iazo, meza Coca Cola, 1 feta de limon.

Alexander:
iazo, 2 d.  gin, 1 crema cacao, 1 crema late, nose moscata.

Alexander sister:
iazo, 2 d.  gin, 1 crema de menta verde, 1 crema late.

Cuba Alexander:
2 d.  rum de Jamaica, 1 creama banana (tipo Bols), 1 crema late.

Biscoti de mandorle

35 deca de farina
2   ovi
2 zali de ovo
2 cuciari de buro squaià
2 cuciari de mandorle “marinate”
1 scorza de limon gratada
20 deca de zucaro
mezo cuciar de polverina de lievito

Far un buso sul mucio de farina messa su la tavola,  drento ghe metè un ovo, i do zali, el buro, la scorza de limon, le mandorle, el zucaro, la polverina de lievito, e se necessario anche un pochetin de aqua. Lavorar tuta la massa con le man in modo che no la diventi né dura né tenera. Spianarla a l’altezza de mezo centimetro e taiar con stampeti, onzer con un ovo sbatudo, anche el stampo de lamiera dove se deposita i stampeti e meter in forno ben caldo per un quarto d’ora.

Chifeleti de farina

1 quarto de farina
5  deca de buro squaià
3  deca de zucaro
1 ovo
un fià de sal
un fià de lievito squaiado in do cuciari de late tiepido
ojo de semi

Su la tola se meti el quarto de farina bianca formando un muceto e in mezo se fa un buso. Se ghe buta drento el buro, tuto l’ovo, el zucaro, el sal, el lievito e se missa el tuto co’ un cortel e po con tute e do le man. Se riva cussì a aver una pasta lissa. Se la taia a tochi e se la rodola co’ le man, se la taia ancora a tocheti dandoghe la forma de chifel de patate. E come quei de patate se li frizi in ojo de semi.

Torta de sarasin

25 deca de buro
25 deca de zucaro
6   ovi
25 deca de farina de sarasin
25 deca de mandorle sminuzzade
1  bustina de zucaro de vanilia
1 vaseto de marmelata de mirtili rossi (ribes)
1 bustina de zucaro a velo
2 biceri de pana montata

Meter insieme el buro, 15 deca de zucaro, i rossi dei ovi e lavorar el tuto per renderlo spimoso. Zontar la farina e el zucaro “vanigliato” mescolando el tuto con forza. A parte se monta a neve i bianchi dei ovi zontando un poco a la volta el resto del zucaro e po pian pianin se la unissi col resto. Meter tuto nel forno per un’ora a calor “moderato”. Tirar fora la torta e lassarla che la se sfredi, taiarla in do in orizontale e spalmarla de marmelata de mirtili rossi (ribes). Rimessa a posto, darghe una spolverada de zucaro a velo e servir con la pana montata.

Koch de risi

20 deca de risi
10 deca de buro
10 deca de zucaro
10 deca de pan gratà
¾ de late
4 ovi
1 scorza de limon gratada

Se meti a cusinar in tre quarti de late, che boi venti deca de risi, missiai ogni tanto, che noi se tachi,  fin che se suga tuto el liquido e se lassa sfredir. Se sbati dieci deca de buro con dieci deca de zucaro e quatro zali de ovo e se ghe zonta el riso fedo, la scorza gratada de un limon e quatro binachi de ovo sbatudi a neve. Se passa col buro squaiado el stampo e se sparpaia drento pan gratà, alora se ghe ribalta l’impasto e se lassa nel forno a 200 gradi per ¾ de ora e l’koch de risi xe pr