Le nostre canzoni

Voci e suoni del Coro “…e noi cantemo…”

       

Il coro del Circolo Rena-Citavecia “…e noi cantemo”
E Angiolina la bela bionda

E Angiolina la bela bionda
la mezanote si  la va dormir
E Angiolina la bela bionda
in Rena Vecia si la va dormir

La buta fora i aventori
la ciama drento el suo Giovanin (x2)

E vien a casa suo marito
e soto el leto trova Giovanin (x2)

E la ghe disi a suo marito
xe questa l’ora porco de tornar! (X2)

E se no basta a suo marito
la ghe fa i corni anca al cavalier (x2)

La scusi tanto siora comare
se ghe go ciolto a gratis suo marì (x2)

La se lo cioghi la se lo tegni
la se mantegni anche i sui tre fioi (x2)

Se vuoi far l’amor con me

Se vuoi far l’amor con me
vieni a le cinque
vieni a le cinque
Se vuoi far l’amor con me
vieni a le cinque e no a le tre

Cinque minuti de piazer
lassia la mama
lassia la mama
cinque minuti de piazer
lassia la mama
e vieni a goder

E mi si che vegnarò
de note sola
de nota sola
E mi si che vegnarò
de note sola
a fare l’amor

Canzon de la Luna

Volerìa che su la luna
se ghe andassi col vapore
per poter a far l’amore
co le done de lassù.
        Bevemo compagni
        svodemo ‘l bicer
        quel caro liquore
        fa ‘legro el pensier.
Chi xe stado me raconta
no le ga la gelosìa
no ghe frula la pazìa
de le done de qua zo.
I me disi che’l soriso
de le done de lasù
xe un vero paradiso:
quele qua no conta più!
        Bevemo compagni
        svodemo’l bicer
        quel caro liquore
        fa ‘legro el pensier.
Ma se i parti per la luna
in vapore o col tram
mi de ti mio bel tesoro
no andarò tanto lontan.

Ma se i parti per la luna
in vapore o col tram
mi de ti mio bel tesoro
no andarò tanto  lontan.

Nel ciaro de la luna

Ggavevo de ani
un useleto in gabia’l cantava ‘l svolava
per el mio piazer
[ma una sera]
lo zerco rizerco
per la finestra el xe scampà
me ciapa un tormento
la gabia svoda xe restà…

Nel tondo bianco late de la luna
el xe andà in zerca de fortuna
nel ciaro de la note el canta ben
per mi sentirlo xe un gran velen.

Che torni l’useleto a casa mia
che’l torni e po no’l vadi mai più via
che mi ghe go voludo sempre ben
che’l torni e’l ciel diventerà seren              x2
[ma una sera]

Nel tondo bianco late de la luna
me casca una piuma bianca e bruna
lo vedo là in alto sul camin
lo ciamo, el xe svolà in camerin.

Adeso stemo insieme in alegria
giurà el me ga che no’l and’rà più via
ma mi che no me fido in camerin
el buso go stropà co un lamierin.                x2

Mio marì xe in osteria

Mio marì xe in osteria                    mi ralegra
el bevi un litro e po’l va via
el bevi un litro e po’l va via          mi ralegra  alegra mi!

Care pute vestime de luto             mi ralegra
che xe morto mio marito
che xe morto mio marito             mi ralegra alegra mi!

E co sona la campanela                 mi ralegra
mio marito va in capela
mio marito va in capela                mi ralegra alegra mi!

E co sona la campana                    mi ralegra
mio narito va a Sant’Ana
mio marito va a Sant’Ana            mi ralegra alegra mi!

Feghe un buso feghelo fondo      mi ralegra
che no’l torni più in sto mondo
che no’l torni più in sto mondo     mi ralegra alegra mi!

Soto de ti feral

Soto de ti feral
la cara mama
la me cantava pian
la nina nana…
po pian pianin la me
portava via
disendome sul leto:
Anima mia…

Soto de ti feral
in sta piazeta
co sta chitara ormai
assai veceta
cantando soto vose
e in sordina
fazevimo le quatro
de matina.

Soto de ti feral
quanti ricordi,
pecà che te va via
fra pochi giorni.
Soto de ti feral
mi voleria
de triestin
finir la vita mia.

Tute ste noti – Sul puntal de Rena – E le babe de Rena Vecia

Tute ste noti che vado zercando
che vado zercando
morosa inocente guai se te trovo
con qualche studente
e zo da le mura io ti voglio getar.
        Quel fazoleto che mi te go dà
        moreta tu lo devi pagar,
        lo devi pagare con sangue e sudor,
        moreta d’amor tu lo devi pagar
        e se xe sol andele a veder
        la sul Puntal | de Rena,
        le xe tute senza zena ma no | le fa che criticar
        e ciumbalelilerai e ciumbalelilerai  |
        e ciumbalelilelilelile

E le babe de Rena Vecia         va in maloron
e le senta su per le scale        va in maloron
e coi cavei zo per le spale      va in maloron
e no le fa che criticar!
Va in maloron, va in maloron, va in maloron le sartorele, va in maloron,
va in maloron va in maloron de tu paron.

E vegno a casa a mezogiorno     va in maloron
e sul spargher no trovo fogo       va in maloron
e mi me toca far de cogo             va in maloron
se un bocon vojo magnar!
Va in maloron, va in maloron, va in maloron le sartorle, va in maloron,
va in maloron va in maloron de tu paron.

La sta in casa in una sofita          va in maloron
e tuta piena de ragnatele              va in maloron
co le mobilie sempre quele          va in maloron
e senza un toco de lustrofin.
Va in maloron va in maloron, va in maloron le sartorele va in maloron,
va in maloron va in maloron de tu paron.

E i mii fioi no li conosso             va in  maloron
perché i ga el muso sporco,       va in maloron
soto le straze ghe i ga dosso   va in maloron
tuti roti tuti sbregai.
Va in maloron va in maloron, va in maloron le sartorele va in maloron,
va in maloron va in maloron de tu paron (X2).

Noi semo de Rena vecia

Noi semo de Rena Vecia
andemo fin Rojan
in Greta o in Sacheta
a piedi o col tram…

Se no te vedo più  (F. Bussani – versione de Rena)

Amor se sa se disi  no xe brodo de fasoi,
amor jerimo in crisi conossendose de fioi
amor jerimo insieme, jera el sessantassei,
gavevo ancora in testa tuti quanti i mii cavei,
ma i ani passa e i pesa su le spale de ognidun,
xe stade le barufe che sucedi tutintun,
te stavi con un vecio, magro liso e spetinà
ma mi in trenta ani no me go mai disperà.

No te go visto più
passar per Rena Vecia,
no te go visto più
valeva più una tecia,
no te go visto più
xe passai tanti ani,
mi me va ben cussì,
cussì anche domani.

Se no te vedo più
vol dir che te son’dada
in via de l’Istria e in più
te son là drento entrada
mi no te vedo più
el mio amico Licio
me ga contà che in più
te sburti là radicio.

Androna de gli Orti (nuova versione)

Androna de li orti
xe ‘na contrada scura
e a le nostre mule
no la ghe fa paura
e mi che no bazilo
son ‘ndà de la Flon Flon,
Rosina ‘fitacamere
spetava sul porton.

Go pianto tante lagrime
co me xe morto el vecio,
me son guardada ‘l viso
el jera sfato in specio.
Adesso che’l xe morto,
nissun me toca più
e mi per consolarme
za prego el bon Gesù.

Daghe de bora che vien e che va
i disi che’l mondo se ga ribaltà
e daghe de bora che vien e che va
i disi che’l mondo se ga rovinà.

Gigeta Lampo            

E no te pensi cara Gigeta
che te ga quatro quatro filioli
che te li lassi la note soli
pa’ndar a bever con chi che xe!?

Cossa te pensi cara moreta
che te son cussì avilida
e te podevi pensarghe prima
de no intrigarte con quel mulon!

Cossa te pensi cara moreta?
Quei muloni no te li lassi,
e per la gola de aver i terazi
i tui stramazi te ga vendù!

E co’ la lana del mio stramazo
e co’ la lana dei mii cusini
e l’amor del mio caro Nini
mi mai più lo scordarò…

E no te pensi cara Gigeta
che l’amor te costa caro
e che l’amor diventa amaro
quando che manca de magnar…

E son passado per Rena Vecia
e la go vista su la finestra
e che la jera cussì soleta
co’ un fior in peto e un fior in man.

Viva Zitavecia (U. LUPI)

Mi gavessi de sposarme
ma no go dove ‘ndar star,
chi me disi: Campi Elisi,
chi me disi: Va a Rojan!
Prova veder a San Luigi
a Rozol me par lontan,
buta l’ocio su a Opicina
perché el centro xe intasà.
Go zercado anche in Bariera,
ma’l quartier no go trovà
e per questo go deciso
matrimonio no se fa,
ma la mula me ga dito:
No te ga zercado ben,
go trovado el nostro nido
là nel cuor de la zità!

Viva viva Zitavecia viva
viva viva Zitavecia viva,
con Crosada, Rena e con Cavana
la xe sempre el meo de sta zità!
Viva viva Zitavecia viva
viva vova Zitavecia viva,
coi colori stanchi ormai de ani,
ma pur sempre decisa a no morir.

Scoltè alora tuti quanti
voi che no gavè quartier:
trasferive in Zitavecia
se volè gustarve el bel,
che ve ofri sta contrada
piena de solenità.
Xe pasadi tanti ani
e tanti ancora paserà…

Viva viva Zitavecia viva ecc.

Gente de Rena (U. LUPI)

La gente de Rena xe gente che sa
che’l bel de Trieste el xe propio là.
Zitavecia e contrade, là davanti xe’l mar
e sora San Giusto che’l vedi lontan.

Ste case ‘ssai vecie, ste strade ‘ssai strete,
le malte che casca, i copi vien zo,
però sto quadreto a tuti ghe piasi,
qua nassi la storia de questa zità.

Gente de Rena, gente che mori,
gente che nassi in questo rion.
Gente che canta, gente che pensa,
gente che speta che la torni a fiorir.

Son baba son de Rena (da “La baba de Rena” de Oddo Broghiera)

Son baba son de Rena
la lingua me difendi,
ma se me sento in vena
so ben menar le man,
de sangue triestin
me ne impipo e go morbin.
Son baba e son cussì
pirulì pirulì,
son baba e son cussì
pirulì pirulì pirulì.

La mula oci de sepa

La mula oci de sepa
la gaveva el mulo Cin,
el ghe ga dà una slepa
in mezo del giardin.
        Su’ mare come mata
        co la ga visto Cin
        vizin la piaza Granda
        la ghe ga dà un papin.
La lo ciapa a brazacolo
la ghe disi do parole
e fra mezo le sue piete
la gaveva el rasador!
        Lu la ga sburtada via
        ghe tremava el cuorisin
        el xe scampado via
        sconto drento un pisador.

La vecia co la tecia
co ‘l ombrelin de sol
la va ingrumar cagoie
la le meti in un tovaiol.
        El vecio resta a casa
        a curarse sete fioi
        e i zimisi e i pedoci
        i dormi tra i linzioi.
Andate a casa sua
se non credete a me
e là la troverete
su un vecio canapè,
tre sedie sgangherade
e un vecio orinal,
la vol trovar un giovine
magari un uficial!

Dove anderemo stasera a dormir 

Dove andaremo stasera a dormir
dove andaremo stasera a dormir,….
su l’erba fresca basta che la sia bela
ciumbalalilalerile eviva l’amor…

Mi bate el cuor                 mi bate el cuor
solo per te                        solo per te
bimba mia bela bimba     io muoio per te.

Verginela no la jera più
verginela no la jera più
cossa me importa  basta che la sia bela
ciumbalalilalerile  eviva l’amor…

Mi bate el cuor                mi bate el cuor
solo per te                       solo per te
bimba mia bela bimba     io muoio per te
Mi bate el cuor                mi bate el cuor
solo per te                       solo per te
bimba mia bela bimba     io muoio per te.

Loleta Pistudan

Loleta Pistudan
pistun pache mama  Loleta pistudan!

Trinchen bir di caburi
Loleta Pistudan – pistun pache mama
Loleta Pistudan.

La mula Margherita

La mula Margherita
ga perso la frescheza
ga perso la beleza
per via de un calafà.
Lalalalalalà    per via de un calafà

La xe disfigurada
la pianzi note e dì
perché senza marì
no se fa pirulì.
Lalalalalalà nose fa pirulì.

Lui m’ha giurà sui oci
che’l me farà una dona.
Adesso ‘l me ‘bandona:
di me no’l pensa più!
Lalalalalalà  di me no’l pensa più!

No no ti lassio sola
ti lassio un bel banbino:
tienilo a te vicino
vizin al cuorisin,
vizin al cuorisin.

Ne contava i nostri veci

Ne contava i nostri veci
che ne l’ano otantanove
se podeva far le prove
sora el jazo a caminar
Ciumbalalilelerà ciumbalalilelerà
ciumbalalilelerà ciumbalalilelerà.

Ne contava i nostri veci
che ne l’ano otantanove
se podeva far le prove
sora el jazo a caminar
ciumbalalilelerà ciumbalalilelerà.

La molie de sior Checo

La molie de sior Checo
le se ciamava Lena,
la ghe fazea per zena
polenta e bacalà.

La ghe sbateva i ovi
la ghe brusava el grasso
Sto sempio de paiazo
diseva che xe bon!

La ghe sbateva i ovi
in zo fino ai ginoci
lui ghe zigava: Cioci
de sbaterli più ben!

La mula Stropolon

Pizichela pizicon
pizichela pizicon
Questo mal d’amore
che mi fa inervosir
prego miei signori
un ritmo per balar,
la pizichela pizicon
la pizichela pizicon
xe la mula stropolon,
la pizichela pizicon
la pizichela pizicon
xe la mula stropolon.

Di fronte a sti negroni
no xe gnente cossa far,
i te conza el chilo in man
e i te manda in ospedal,
la pizichela pizicon
la pizichela pizicon
xe la mula stropolon
la pizichela pizicon
la pizichela pizicon
xe la mula stropolon.

O julandè o julandè
sighè sighè finché volè
ma oca,  ma oca
sighe sighe finché volè
ma oca no cuchè.

Se mi volevi bene

Se mi volevi bene
come me lo dicevi,
l’amor co’ un’altra dona
non lo facevi.

Ti te pensavi sempio
che mi divento mata
inveze son beata
che go la libertà.

Va là va là baloci
va là de le tue bele,
se cambierà le stele
el mio pensier  mai più!

A far l’amor coi o=oci
se perdi le spera=anze
le gambe diventa seche
le calze no sta più su!

Scarpete rosse e nere
fate a la canotiera
per far l’amor coi siori
ghe vol maniera.

Ti te credevi sempio
che mi son ‘na ragaza
de quele che xe in piaza
che no le vol nissun!

Siora Rosa

Siora Rosa gaveva un galo
bianco rosso verde e gialo
e per farlo ben cantare
la ghe dava de magnare
bisi freschi
bisi freschi co le bisteche
Oh! Oh! Oh!

Cagoia cagoia
meti fora i corni
te buterò sui copi
babau te ciaperà

Goiacà goiacà
time rafo i nìcor
te toburò sui pico
bàuba te rapecià!

La colomba xe’l mio idolo

E la colomba xe’l mio idolo
e la delizia
xe la delizia
intel fare l’amor.

Al son de sta chitara
bela ti volio
bela ti volio
adormentar.

Sarai finché io vivo
per sempre mia
per sempre mia
sarai drento ‘l mio cuor.

No amerò più femine
perché son false
perché son false
intel fare l’amor.

E noialtre?

No amerem più omini
perché son falsi
perché son falsi
e traditor!

Quando gavevo dolari 

Quando gavevo dolari                 dolari
ne le scarsele
quando gavevo dolari                 dolari
ne le scarsele
tute le mule bele
vegniva de mi.

‘Desso che no xe dolari             dolari
ne le scarsele
‘desso che no xe dolari             dolari
ne le scarsele
tute le mule bele
me ga abandonà!

Se tuti d’acordo noi fossimo

Se tuti d’acordo noi fossimo
de abandonar le femine
alora noi le vedessimo
per ste contrade o misere
a domandar l’elemosina
e amor per carità!

Cossa faremo de quela ragaza

Cossa faremo de quela ragaza
inamorada come la xe.
La meteremo in un monastero
che la se possi a dimenticar.

In monastero che vada chi vuole
che el mio cuore el disi de no.
In quel monastero mi sì che andaria
ma in compagnia del  mio biondin.

Io son la Linda

Io son la Linda tradita intel’amore
qui desolata e agonizante.

Ugo xe sta el mio primo amante
con le bugie me ga ciolto l’onor.

Quindici ani no gavevo compiuti
stavo con mama e con mia nona.

Inzinta m’ha lassiata
sposà el ga un’altra dona
e io l’ucisi con tre colpi de pugnal.

Pareva un leon, leon de la foresta
tu m’hai tradita e devi morir.

Parto dal mio paese

Parto dal mio paese
per guadagnar le spese.

Bela ti condurò
intel mio giardin,
noi parlerem d’amore
tra rose e gelsomin.

Quel vecchio traditor
lui m’ha rubato el cuor
lui m’ha rubato el fior
del mio giardin!

Quel che xe sta xe sta
rimedio no xe più,
metite ‘l cuor in pase
di te non penso più.

Se passi per di qua

Se passi per di qua
il cuor ti duole,
la bionda te vol ben
i suoi non vuole
i suoi non vuole
i miei non son  contenti
così farem l’amor segretamente.

Segretamente no,
no si può fare
perché le male lingue
vuol parlare.
Se passi per di qua
tu passi invano
te frugherai i stivai
sarà tuo dano.

Te frugherai i stivai
anche le siole,
de la mia boca no
avrai parole.
Te frugherai i stivai
anche i tacheti
de la mia boca no
avrai i baseti.

De la mia boca no
avrai i baseti.

Portorose

Ti te ponti de qua
ti te ponti de là
Portorose.

I te beca ‘l taquin
I te frega’l milin
Portorose.

A Portorose
a Las Vegas de Tito
a  Las Vegas de Tito
a Portorose.

Un sabato de sera

Un sabato de sera le diese za sonade
xe sta comesso un fato de grande serietà.
‘Na guardia de patulia de posto in via Crosada
xe stada assassinada da un noto ciradin.

Tuti lo conossemo                                   T
se ciama Antonio Freno
che col coltel al seno
girava la cità.

Ma dopo fato el colpo                          T
le diese za sonade,
le mani insanguinade
zercava de fugir.

Ma dopo fato el colpo                         T
a Isola xe scampado,
in breve arestado
condoto in tribunal.

La morte i me ga dado,
co sento sta campana
la libertà lontana
mai più la godarò.

Adio cari amici,
adio conossenti,
fra mezo sti tormenti
me tocherà morir.

Me ciamo Antonio Freno,
presi ‘l coltel,
feci un macel
di quel traditor.

Le mule de Rena

Le mule de Rena  le peta un’ociada
le fa ‘na ridada, le fa ‘na ridada.
Le mule de Rena le peta un’ociada
le fa ‘na ridada, le lasa pasar.

Caro lei caro lei la me fazi sto piazer
la me le la me le la me legi’l gazetin!
E alora a pian a pian a pian pianin
ne capita’l morbin,
E alora a pian a pian a pian  pianin
ne capita’l morbin.

No gavemo luce ‘letrica

No gavemo luce ‘letrica
né petrolio né petrolio rafinato.
Le candele le candele le val poco
anca quele anca quele surogato.
Buta via (buta via)  la cariola (la cariola)
scovazin scovazin senza la scova.    (X2)

Le candele le candele le val poco
anca quele anca quele surogato.
I voria i voria maridarme
co’ un marito co’ un marito surogato.

Buta via (buta via) la cariola (la cariola)
scovazin scovazin senza la scova.      (X2)

No gavemo
no gavemo luce ‘letrica in Rena Vecia
no gavemo
no gavemo luce ‘letrica in Rena Vecia
e adesso che i fa i scavi
gavaremo  aqua luce e gas
e adesso che i fa scavi
gavaremo aqua luce e gas…

Carneval no sta ‘ndar via

Carneval no sta ‘ndar via
che andaremo in scaldatoio,
bevarem cafè de bojo
col paneto a la Pompadur
la Pompadur.

Qua te trovi compagnia
qua te fa la ciacolada
co xe l’ora de panada
te va là de Giovanin
de Giovanin.

Carneval no sta ‘ndar via
te faremo una giacheta,
ogni ponto una saeta
che i te possi fulminar
e fulminar!

Zala zala come l’oro
co la fuma la profuma,
el magnar xe de li Dei
la polenta coi usei
e coi usei.

La marcia dei porchi

Se vivo centani no vado più a done
ste brute carogne me ga rovinà

El Porto Franco (1.7.1891)

Adeso che i ga porta via
no xe più alegria
ma tuti ga’l muson
Adio pan de oto
el vin a trentasie
Bisogna far fagoto
e andar in maloron.

Son passà per via Crosada

Son passà per via Crosada    sighesela sighesòn
La go vista in un porton       sighesela sighesòn
La voleva che la sposo         sighesela sighesòn
Go fato el balo de l’impianton  sighesela sigheson
La ga vudo un bel putelo     sighesela sigheson
Ma mi pare no ghe son        sighesela sigheson

Sior Popel – O Rena Vecia

Tre ore tre ore sonava,
sior Popel sior Popel pasava,
la bionda la bionda ciamava.
Sior Popel sior Popel vien su!
Sì sior Popel vien su.

No poso no posso venire
le scale le scale mi stancan !
Le gambe le gambe mi mancan
no posso no posso vignir!
Si no posso vignir.

Sior Popel sior Popel va suso,
se senta se senta in carega
la bionda la bionda ghe prega
che’l bevi che’l bevi un bicer
si che el bevi un bicer.

Mi bevo mi bevo ‘na bira,
la meto la meto in tola|
ma se la me toca la svola
per aria con un bel papin
si co’ un bel papin.

La Rena xe iluminada,
sior Popel sior Popel pasava,
i muli i muli zigava:
Sior Popel i lo mena in preson
si lo mena in preson

O Rena Vecia  i camini no fuma più,
xe morto sior Popel
paneti no’l porta più. (X2)|

Trieste mia (P. Carniel – Corrai)

Co son lontan de ti Trieste mia
me sento un gran dolor un gran dolor
e più che zerco de pararlo via
più me se ingropa el cuor.
Le lagrime me cori zo pel viso
e digo fra de mi e fra de mi
che no ghe esisti un altro paradiso
più splendido de ti…

Un buso in mia contrada, un vecio fogoler
un sial che pica in strada
do rose in un piter,
in alto quatro nuvoli,
de soto un fia de mar:
xe’l quadro più magnifico,
che mai se pol sogna…

Lontan de ti Trieste no go pase,
me manca el nostro ziel el nostro ziel,
el verde dei tui pini, le tue case
e i muri del castel.
E penso al mio balcon in Rena Vecia
quel caro balconzin, quel balconzin,
de dove vedo i monti che se specia
nel golfo zelestin…

Un buso in mia contrada ecc.

Lontan de ti son come l’useleto,
che vivi in s’ciavitù, in s’cia-avitù
e me dispero e pianzo el mio dialeto,
che no lo sento più…
Ma quando torno canto de alegria,
me salta in cuor in sen, el cuor in sen
e zigo “Ah sì Trieste te son mia!
Te vojo tanto ben!”

Un buso in mia contrada ecc.

A la Madalena

E la prego sior primario
el mio male che male xe?
Si dia coragio signorina
il suo male è TE-BE-CE’.  (X2)

E la prego sior dotore
el me cambi la medizina
ché le sponte le me rovina
el crosoto  me fa ‘ssai ben.  (X2)

Grazie tante signor dotore
dela sua sincerità.
Niente niente signorina
devo dire la verità.  (X2)

Se la febre me tormenta
e i dolori no li go più,
nel pensier e ne la mente
lo go ancora sempre lu!  (X2)

E ava-anti de morire
vojo far ‘na grande zena
e invito tuta la Madalena
e anche lei signor dotor. (X2)

Che i cicoli che i ciacoli                                                            

Che i cicoli che i ciacoli
xe poco de babar
un logo più magnifico
no se lo pol trovar.

Trieste de delizie xe un vero paradiso,
go tuto qua un soriso
el ziel la tera ‘l mar.

De sto paese in tuto al mondo
girelo in largio girelo in tondo
certo compagno no trovarè.

Trieste tra le bele
Trieste tra le stele
bela zità la xe bela zità la xe. (X2)

Gavemo San Giusto ‘l martire,
gavemo el campanon,
gavemo emblema civico
tre fete de melon.

E in zima al cole – classico –
antica citadela
che xe la sentinela
del monte de pietà…

Su sta colina l’aria xe sana
viva San Giusto sona campana
e qua miseria no ghe ne xe.

Trieste tra le bele
Trieste tra le stele
bela zità la xe bela zità la xe.  (X2)

Trieste tra i parsuti
Trieste la vol tuti,
no ghe la demo a nissun
se la tignimo noi.

Zinque gradi soto zero

Zinque gradi soto zero
senza un refolo de bora
guarda ‘l ziel come xe nero
una stela no xe fora.

Se domani se gavessi
de jazarse la zità,
‘ndemo in leto a cocolarse
e spetar che vegni istà.

Senti come che’l piziga
sto fredo maledeto,
Nina vien qua scaldemose
coremo presto in leto:
xe l’aqua come’l sucaro,
Nina vien qua vizin.
Moro no vedo l’ora
dame sto bel scaldin. (X2)

Senti senti cara Nina
la vien zo che la par pana
de San Giusto l’alabarda
de San Giusto la campana.
I tui oci la tua boca
sognar lori me fa…
Cori Nina presto in leto
a spetar che vegni istà.

Senti come che’l piziga sto fredo maledeto
Nina vien qua scaldemose
coremo presto in leto:
xe l’aqua come ‘l sucaro,
Nina vien qua vizin.
Moro no vedo l’ora
dame sto bel scaldin.  (X2)

‘Ndaremo a San Giovani

‘Ndaremo a San Giovani col caless
faremo na magnada de bon pess
e se magnando el pess
un spin ne va per tress,
faremo gargarismi de petess
e se magnando el pess
un spin ne va per tress
faremo gargarismi de petess,
e se magnando ‘l pess
un spin ne resta in man
faremo gargarismi de teran.

El conzalastre

El conzalastre,  caldiere farsore,
impiza distuda i ferai,
el conzalastre,  caldiere caldiere e farsore,
impiza e distuda
impiza e distuda ferai.

Essa mi pare una testa imbecile

Essa mi pare una testa imbecile,
più che la guardo più fosco la mi fa
più fosco la mi fa
più fosco la mi fa.

Essa mi pare una testa imbecile
più che la guardo più fosco la mi fa
e poi mangiando bevendo e cantando
finché nel fondo si vedarà ‘l bicer

si vedarà ‘l bicer
si vedarà’l bicer.

E poi mangiando bevendo e cantando
alegramente dormire si va
e poi mangiando bevendo e cantando
alegramente| a casa si va.

Era una picola

Era una picola  era una picola bavisela,
sventolavano i suoi biondi capeli,
erano ricci erano ricci ed eran belli
e mi facevano e mi facevano inamorar.

Era una note era una note tanto scura
che le nuvole coprian la luna.
Ohi che delizia ohi che delizia ohi che fortuna
esser di note esser di note vicino a te.

Ela dormiva ela dormiva tra le mie braccia
ed ogni tanto lei si sveliava
e le sue pene e le sue pene mi racontava
mi racontava sì mi racontava sì tuto’l suo amor.

Le undici e meza le undici meza son già suonate,
Si avicina si avicina la mezanote,
cari signori cari signori felice note
e noi andiamoci e noi andiamoci a riposar

La mula fasol

La va vestida in gringola
co l’abito zeleste,
adio mia bela Trieste
mai più ti rivedrò.

No ste sposar la mula fasol
no ste sposar la mula fasol
no ste sposar la mula fasol
che la se lava in tun bujol!

La ga el colo sporco
ghe cresi le patate,
su mare vendi fritole
su pare xe un peteson!

No sta sposar la mula fasol
no sta sposar la mula fasol
no ste sposar la mula fasol
che la se lava in tun bujol!

Trieste vecia (Corrai – P. Carniel)

Te go zercado un giorno
e go provà ‘na pena
perché guardando atorno,
no te go più trovà.

Sparida la contrada
e la mia casa in Rena,
oh come xe cambiada
sta vecia mia zità!

        In quela vecia casa go vissù
        i più bei giorni de la gioventù,
        là go provado quel che xe’l dolor
        e le careze del mio primo amor.
        Mio picio nido carezà dal sol,
        quando te penso l’anima me diol,
        perché de quando che ti te son sparì
        Trieste vecia ga finì con ti.

Più granda e più moderna
Trieste te son bela
ma istesso a Tor Cucherna
ghe vojo un fià più ben.
Son nata là dei frati
e quando penso a lui
più svelto el cor me bati
e me se slarga el cuor.

        In quela vecia casa go vissù
        i più bei ani de la gioventù,
        là go provado quel che xe’l’amor
        e le speranze del mio grande cuor.
        Mio picio nido riscaldà dal sol
        quando te penso l’anima me diol
        perché de quando ti te son sparì
        Trieste vecia ga finì con ti.

Con mi (Enzo Gragnaniello – versione de Rena)

Vien zo con mi
nel profondo del mar
a trovar quel che qua no xe.
Vien zo con mi
e incomincia a capir
che xe inutile sofrir.
e incomincia a imparar

        Ah! Vien con mi
        tormentar l’anima
        no xe per ti!
       Solo nel fondo
        (te) poderà capir…
        No come se fa
        a perder l’anima
        lassarla andar
        ne la polvere
        de un scovazon.

Vien su con mi
e incomincia a cantar
tute le note che l’aria dà.
Senza guardar
ti continua a svolar
che el vento ne porta là,
dove ghe sta
le più bele parole
che ne l’aria ne fa incantar.
Ah che bel star
e tra le nuvole che bel cantar
Ah! Che bel star
e tra i angioli che bel sonar
Ah! Che bel star
e tra le nuvole che bel cantar         

La mula magnaomeni (D. Vitale)

Siniori voi savè nel mio rion
ghe xe una mula alta un vero pataton
che co la passa la te fa incantar
e fina ‘l trafico lo la fa fermar.

El vigile el fis’cia e co le man
el ghe fa segno ai auti
perché i va tropo pian,
po’l se rassegna el disi: Varda là
de quela me bastasi la metà!

Passa la mula magnaomeni
ma omeni no la ga mai magnà:
xe’l far provocante che la ga,
cussì la gente la ga batezà.
Passà la mula magnaomeni
perfin un prete el se ga fermà,
ga dito: Varda là che grazia che la ga
che scherzi la natura che la fa.

Un giorno se presenta a quel bestion
un picolo cabibo: voleva far leon,
tuto pimpante el se ga vicinà
de l’alto ela lo ga squadrà.
La ghe ga dito: Scolti caro lei
la torni zo in Africa co tuti i sui pigmei,
piutosto mi me ciogo un fachin
però che’l sia de qua
che’l sia un triestin!

Passa la mula magnaomeni
ma omeni no la ga mai magnà:
xe’l far provocante che la ga
cussì la gente la ga batezà.
Pasa la mulamagnaomeni
siniori quante curve che la ga,
se te vol impatar e te ghe va vizin
ricorda che la vol un triestin.
Se te la vol impatar e te ghe va vizin
ricorda che la vol un triestin!
Pasa la mula magnaomeni!

O mein liebe Augustin *

O mein liebe Augustin
‘ndò te va co l’ombrelin.
O mein liebe Augustin
‘ndo te va co l’ombrelin.
O mein liebe Augustin
‘ndo te va co l’ombrelin.
In der Luft in der Luft
öhne Paprika
Paradais ghe tireremo sul capel!
Oh che bel!

*dalla “Flieger Marsch” di Hermann Dostal marcia dell’Areonautica Militare A.U., 1912

Giura mio bene

Giura mio bene giura
giura su le candele
se studerà le stele
ma’l mio pensiero mai,
se studerà le stele
se cambierà la luna
se cambia la fortuna
ma ‘l mio pensiero mai.

Pupoli e buratini

Son triestin sicuro
cosa ghe xe de mal
mi son nato in Rena Vecia
e là vojo morir.

Pupoloti e buratini
verzeremo un bel negozio,
mandaremo a lavorar i stupidini,
noi saremo in ozio,
noi starem senza far gnente
e andaremo e andaremo a paciaùss
a paciauss!

                    PRIMO SLUC ROSSO

Viva Noè
il gran patriarca
salvato dall’arca sapete perché
perché fu l’autore del dolce liquore
che lieti ci fa
ah ah ah ah!
Bevevano i nostri padri?
Bevevano le nostre madri?
E noi che figli siamo beviam beviam beviamo
e noi che figli siamo beviam beviam beviam.
Beviam del moscatelo che fa girar’l cervelo
e noi che figli siamo beviam beviam beviamo
e noi che figli siamo beviam beviam beviam.
Finché siam giovani abiam da spendere
pagando i debiti a la fin de l’an…

A la salute dei nostri padri faciamo un brindisi faciamo un brindisi,
a la salute dei nostri padri faciamo un brindisi  a la salute.
E se siam giovani
abiam da spendere
pagando i debiti a la fin de l’an.                     |

E se son palida come una straza
bevo vinaza e fiaschi de vin
e se son palida dei mii colori
no vojo dotori ma fiaschi de vin.

Come la marcia ben la banda la banda
come la marcia ben la banda la banda
come la marcia ben la banda la banda
come la marcia ben
la banda dei usei freschi e bei.
E no la me vol più ben
e no la me vol più ben
la prega’l Dio che crepo la prega’l Dio che crepo.
E no la me vol più ben  e no la me vol più ben
la prega’l Dio che crepo e inveze stago ben!

Caro bebè te ga ragion chi no ga bori no ga remission. (X2)

La ga i oceti neri neri neri
la boca d’un bambino apena nato,
l’ho vista l’altra sera e l’ho baciata,
non ti scordar di me,
quando io vedo te
paradiso mi par di veder,
quando ti vedo là
paradiso mi par di sognar…

Balota Balota el mulo sbisighin                     |
co’ le recie de marmota
e’l mus’ de can lupin.  ( X2)

Ciribirbin paghè ‘na bira
ciribirbin no go moneda
ciribiribin doman de sera
ciribiribin la pagherò.
Sei bela sei cara
bela non pianger bela non piangere,
sei bela sei cara bela
non piangere non sospirar.

Mule de jute
d’acordo tute no steve maridar
e sti morosi tubercolosi
mandeli a lavorar.

Ti col mus mi col tram ‘ndemo Servola doman     |
‘ndemo Servola doman
‘ndemo Servola doman (X2)
‘ndemo Servola
soto la pergola, ‘ndemo Servola doman.

E co capita’l primario
el domanda come xe come xe.
Sior primario stemo mejo
siam rimasti solo in tre solo in tre.
In zavate e capel de paja
la vestaja a pindolòn pindolòn
finiremo sta marmaja de l’otava
otava division secesion.
finiremo sta marmaja
de l’otava division sul pajon.

La Svizera la Svizera la Svizera la Svizera
la Svizera la Svizera la Svizera xe una nazion
Coloncavez Coloncavez Coloncavez
Coloncavez Coloncavez Coloncavez xe una nazion
sul pajon!
Va remengo ti tu pare tu zia
tuti quanti in compagniasul pajon sul pajon sul pajo-on!

                                  SECONDO SLUC ROSSO

Son de mestier venderigola in piaza
son triestina, matona, sincera
mi trato tuti con bela maniera
solo un scartozo no poaso sofrir.

El vien el palpa el sbècola el resta là impalà
a dirme stupidezi che proprio no me va,
se ancora el guarda el stuziga
ghe tiro drio un limon,
go brazi stagni e forti che nova sior paron,
che nova che nova che nova sior paron!

Bevè bevè compare se no ve mazarò
piutosto de mazarme tuto lo bevarò;
e fin che’l beverà ghe cantaremo noi la bumbabà la bumbabà
la bumbabà.
Lo go bevudo tuto e no m’ha fato mal.
L’aqua fa male, il vino fa cantare,
questa è la regola che insegnano gli italici,
alzano i calici e vuotano’l bicer.

‘Ndaremo a San Giovani col caless
faremo ‘na magnada de bon pess
e se magnando el pess
un spin ne va per tress
faremo gargarismi de petess
e se magnando el pess
un spin ne va per tress
faremo gargarismi de petess.

La mia mama me ga dito
me ga dito la mia mama
no sta’ndar coi militari
perché i fuma popolari
no me sposarò mai più
mi resto nubile (celibe).
La mia mama me ga dito
me ga dito la mia mama
no sta far l’amor coi biondi
che i xe tuti furibondi
no me sposarò mai più
mi resto nubile (celibe).

Mi conosso tre fradei
tuti rossi de cavei ma bei
i lavora in arsenal
i fa fondi de bucal ma bei.

Se la mama la te domanda
dove xe Bertolin
dove xe Bertolin dove xe Bertolin,
se la mama la te domanda
dove xe Bertolin
Bertolin xe andà in casin.

E la vecia de l’apalto la gaveva un bel galeto
che co’l canta’l verzi el beco
che’l fa propio inamorar,
che col canta canta canta
el verzi ‘l beco beco beco
che’l fa propio inamorar.
Amici beviam beviam.  (X2)

Le mule de San Giacomo
le porta el Cristo in peto,
le ga’l marì che naviga
l’amante soto el leto,
le prega el bon Gesù
che’l marì no torni più.
El prete de San Giacomo ga predicado in ciesa:
ste ‘tente mule mie che’l triestin ve frega!
Bim bum bom tre colpi de canon.

Pei debiti no i ne impica
la forca no i ne dà,
mandeghe la lista al diavolo. (X2)
Pei debiti no i ne impica
la forca no i ne dà,
mandeghe la lista al diavolo che lui la pagherà.

Ciola ciola Pepi che la xe carina,
la scova la cusina la neta el fogoler,
‘desso che la go ciolta tuti me disi mona
perché no la xe bona de far gnanche’l cafè.

Con che cuor moretina te me lassi con che cuor con che cuor,
con che cuor moretina te me lassi con che cuor te lasarò.
O bionda la bela bionda,
bionda sì bionda sì
bionda sì la mora no.

Se le guardie no vol che cantemo noi cantemo noi cantemo
se le guardie no vol che cantemo noi cantemo per farle rabiar.

Fioi come noi la mama no li fa più
se ga roto la machineta se ga roto la machineta,
fioi come noi la mama no li fa più
se ga roto la machineta e’l papà no lavora più.      Si!

                                         TERZO SLUC ROSSO

Ancora un litro de quel bon
ancora un litro de quel bon
ancora un litro de quel bon
po’ ‘ndemo a casa.
Nineta buta zo’l pajon
Nineta buta zo’l pajon
Nineta buta zo’l pajon
che dormo in strada.

E quando che a Trieste xe rivai i americani
jera gobi anche i cani jera gobi anche i cani
e quando che a Trieste xe rivai i americani
jera gobi anche i cani la familia dei gobon.
Gobo su pare goba su mare
goba la mona de su sorela
jera goba anche quela jera goba anche quela,
gobo su pare goba su mare
goba la mona de su sorela
jera goba anche quela la familia dei gobon!
Gobo sentite gobo sentite
gobo sentite me sentarò anche mi.

Jero in campagna col primo amore
oh che bel fior
oh che bel fior oh che bel fiore,
jero in campagna col primo amore
oh che bel fior oh che bel fior viva l’amor.

De Trieste fin a Zara
go impegnà la mia chitara
amor amor amor,
amor amor amor.
De Trieste fin a Zara
go impegnà la mia chitara
amor amor amor
che Trieste xe un bel fior.
Jero in campagna
col primo amore,
oh che bel fior oh che bel fior  viva l’amor!

De San Giacomo a Rojan
jera un vecio fiol d’un can
che sponzeva le culate drio man.
Varda come che la camina [fischio] lesta
la ga paura  de l’Omo Vespa.
Varda come che la camina dura
la ga paura de la puntura.
Ma le mule ga’nventà
un rimedio soprafin
drio el cul le se ga meso  un lamierin.
Varda come che la camina [fischio] dura
la ga paura de la puntura
Vardaa come che la camina lesta
la ga paura de l’Omo Vespa,

A la matina el marì va lavorar
l’americano xe pronto per entrar,
go visto el negro in zima de la scala
iupi iupi ala iupi iupi ah! (X2)

E anche el tram de Opcina xe nato disgrazià
venindo zo de Scorcola una casa’l ga ribaltà
e bona de Dio jera un giorno de lavor
e dentro no ghe jera che’l povaro frenador.

E come la bora che vien e che va,
i disi che’l mondo se ga ribaltà
e come la bora che vien e che va
i disi che’l mondo se ga ribaltà,

La mula rossa no la vojo no (X2),
co la camina la fa la mossa
la mula rossa no la vojo no. (X2)

Lo gavevo lo gavevo
lo gavevo e lo go lassà
perché’l jera perché’l jera
perché’l jera un disperà.    (X2)
Molighe ‘l fil che svoli
quel mandriol peloso,
credeva che lo sposo
inveze lo go lasà.

El Coroneo xe la mia patria
e i Gesuiti xe’l mio bel giardin.  (X2)

Go dado una piada a la tavola
go roto un bicer e una cicara
la jera tropo picola la jera tropo picola,
go dado una piada a la tavola
go roto un bicer e una cicara
la jera tropo picola
per far l’amor con mi…

Si  si Trieste
te amo sempre
amo i tui fiori li go sul cuor,
qua go la cuna  qua go la tomba
viva Trieste tera d’amor.
Si si Trieste
te amo sempre
amo i tui fiori li go sul cuor,
qua go la cuna qua go la tomba
viva Trieste tera d’amor.

                                      PRIMO SLUC BIANCO

Va a l’ombra va l’ombra Nineta
che’l sole ti fa male,
le tue le tue beleze le vo-ojo goderle mi,
le tue beleze le vojo goderle mi.

L’inverno xe passado aprile no torna più
xe ritornado magio al canto del cucù.
El cucù el cucù el cucù el cucù el cucù
xe ritornado magio al canto del cucù.
La bela a la finestra la varda su e giù
la speta’l fidanzato al canto del cucù,
El cucù el cucù el cucù el cucà el cucù
xe ritornado magio al canto del cucù.

La mia bela se ciama Sofia
note giorno la speta al balcon.
la ga’l naso che par un’arpia
grassa e grossa la par un balon.
Come se fa come se fa
co go visto Sofia me son inamorà,
come se fa come se fa
co go visto Sofia me son inamorà.

Gavè inteso sta note el casoto che fazeva sui copi do gati
e corendose drio come mati
finalmente che zo i xe cascai
e cascando ga i fato un sussuro
che pareva sia sta el teremoto,
un dei do el xe restà zoto
e quel altro el ghe la ga dà…

Dimelo dimelo dimelo
di che contrada sei.
Son de la Madonina
numero ventisei ….  (X2)

Xe storto el palazo xe bruta la tore
e Mikez e Jachez che bati le ore
e Tinza e Marianza le sta sul porton
a veder le siore che vien dal liston.

Se vuoi far l’amor con me vieni a le cinque vieni a le cinque
se vuoi far l’ amor con me vieni a le cinque e no a le tre …

Scendi le scale scendile
prendi il lume in mano,
scendi le scale pian piano
la porta ti aprirò.
La porta non posso aprirtela
la mamma non dorme ancora,
aspeta un quartino di ora
la porta ti aprirò,
aspeta un quartino di ora
la porta ti aprirò.

                                  SECONDO SLUC BIANCO

America America America America America America
America America America
‘n America vojo andar.
Magari col monopatino
magari col monopatino,
magari col monopatino
‘n America vojo andar…

La mula dee Parenzo  ga messo su botega,
de tuto la vendeva de tuto la vendeva.  (X2)
fora che’l bacalà  perché non m’ami più.
Tuti mi chiamano bionda ma bionda io non sono
porto i capeli neri porto i capeli neri  (X2)
sinceri ne l’amor perché non m’ami più.
Sinceri ne l’amore sinceri negli amanti
ne ho passati tanti ne ho passati tanti  (X2)
e passerò anche ti perché non m’ami più.

La dona xe come una vipera
la dona xe come una vipera
la dona xe come una vipera
bisogna volesi poderla copar.
E l’omo xe come un angelo
e l’omo xe come un angelo
e l’omo xe come un angelo
bisogna saverlo ciapar.

Val più un bicer de dalmato che l’amor mio
che l’amor mio che mi tradisce,
no vojo amar più femine  perché son false,
perché son false intel fare l’amor…

Una fresca bavisela incomincia za sufiar
xe ponente su la vela che xe un gusto a bordizar.
Te saludo dona mia vado in barca a paiolar
se sta note stago via no te devi disperar.

Trieste dormi e’l mar se movi apena
le stele brila e le me fa sognar
e se sta note ciapo ‘na sirena
mi te la vojo domani regalar.   (X2)

Go con mi tre grandi afeti
quando vado a navigar,
Go Trieste i tui oceti e la barca per pescar,
ma domani co fa giorno te me sentirà cantar
e te porto quando torno
tuti i pessi che xe in mar…

Trieste dormi e’l mar se movi apena,
le stele brila e le me fa sognar
e se sta note ciapo ‘na sirena
mi te la vojo domani regalar.

Canzoni per Maria Theresia d’Absburgo

Maria Teresa ieri ‘na bela dona
       viva l’imperator, la sua corona.

La sua corona ieri de brilantini
       viva l’imperatore e i suii bambini

I suoi soldatino andati in guerra
       viva l’imperator, la sua bandiera

La sua bandiera xe de due colori
       viva l’imperatore e i suoi tesori
       viva l’imperatore e i suoi tesori

 

Dami la mano Teresina
dami la mano che ti amo
soto el castel de Milano
dove fioriscono i  fior,
fiore fiorisse
fiorisse’l fior
fiore fiorisse
fiorisse’l fior
fiore fiorisse
fiorisse’l fior