Dicembre 2018
‘RIETE: el tempo svola anche per voi ‘rietini; ‘tenti però, de no strafar, dovè però sfrutar ogni secondo perché se nò, diventè veci prima del tempo. AMOR: dovè sfrutar ogni (?) secondo. SALUTE: no magnar in rosso! LAVOR: in nero de giorno, in bianco de note. ZOGO: su i tavoli verdi ve magnerè la pension.
TORO: gavè vù ‘ssai pasienza in novembre, ma desso che se vicina le feste, la perderè. AMOR: per colpa de un parente, ve lasserè co’l vostro patner e tornerè co’l’amante. SALUTE: per colpa de un parente, ve sc’ioperà la bile. LAVOR: un lavoreto de fin al’ingrosso. ZOGO: farè zoghi ’rotici; ocio a (?) l’infarto.
ZEMEI: “quatro vache e do videi” – farè barufa pe’l pranzo de Nadal “Nadal co’i tui e …. Andarè a Montuza. AMOR: el vostro patner ve farà le bele per quel regaleto, che xe zà trenta ani ch’l speta. SALUTE: dovè aver self-control su cossa che magnerèper le faste. LAVOR: fa mal de schena! ZOGO: l’8.
CANCRO: ‘sto ano no ve la caza nissun. Gavè deciso de no far regali e de metter in taio la tredicesima. AMOR: trope feste ‘sto mese, no gavè tempo (se xa 25 ani in pension)! SALUTE: ricordeve che la diarea xe la roba più veloce che ghe sìa! LAVOR: trope feste ‘sto mese, no gavè tempo. ZOGO: tombola. Auguri!
LION: farè festa in famiglia per Nadal (come tuti). Menù: ogni dun porterà quel che ghe xe vanzà la vigilia, anca el paneton riciclà che xe tre ani ch’el gira. AMOR: chi riva bon, e i altriche se ciavi! SALUTE: la dieta funziona. LAVOR: in nero, na volta al mese, de note, co’l pie de porco. ZOGO: xe meio de nò.
VERZINE: no xe possibile che volè ‘ver sempre ragion! Nonostante tuto, no gavè ragion AMOR: solo quando che gavè voia voi. SALUTE: a parte un picio disturbo inguinale, finirè l’ano ben. El prossimo no so! LAVOR: minimo indispensabile. ZOGO: scala 40 in copia.
BALANZA: gaverè un picio problemin che risolverè in genaio dopo la Befana. AMOR: gaverè un picio problemin che no risolverèmai più. SALUTE: ‘ssai spizamento de cul. Un consiglio prima de’le feste: dieta assoluta fin la vigilia se Nadale e dopo, deghe drentro, ma ‘tenti al paneton riciclà de tre ani che ve regalerà un parente. El 26, S. Stefano, resterè a casaper un grando problemin (scagot). LAVOR: solo in nero. ZOGO: sul tavolo verde a Lipica.
SCARPION: gavè za calcolà tuto per Nadal e per l’ultimo. Andarè a casa de parenti per sparaniar, ma ‘sto giro gavè fato i conti senza l’oste. AMOR: se contenti (no bechi). Farè l’amor sia per l’ultimo che pe’l primo de’l’anao e dopo, tuto l’ano. SALUTE: se ‘ssai riscaldai, magnè in bianco e ve sc’ioperà quel brusco che ve xe vigniudo in tel cul LAVOR: più de quando lavoravi (in nero). ZOGO: savè tuti i zoghi, ma preferì gnagno cativo.
SAGITARIO: gavè risolto co’l’avocato quela delicata situazion che no ve dabva pase; ve xe costà un ocio de la testa, ma ‘desso se tranquili. AMOR: no se proprio tanto tranquili, ma in genaio risolverè anche co’l’amante el problema che solo voi savè. SALUTE: no iera el vermo solitario, ma solo aria in panza. LAVOR: per rotondar, l’ultimo de’l’ano andarè a far el camerier al Paradiso. ‘Tenti, no magnar stranezi (per via de’l’aria in panza). ZOGO: no gaverè tempo.
CAVRA COI CORNI: se talmente decisi che qualche volta no se decisi de le vostre decisioni, ma a la fine rivè sempre dove che volè rivar. AMOR: se fussi come che volessi voi saria bel, ma xe tuto el contrario, ma a la fine rivè sempre aver quel che volè. SALUTE: dovè assolutamente darve un cuc (revision) no servi prole rosse, bianche, verdi e specialmente quele blù. Vardeve in specio de profilo e dopo, fè voi. ZOGO: preparè i stropi per una super-tombola.
AQUARIO: nonostante un otobre negativo, novembre sarà positivo anca ne’l’alcol test che i ve farà pena montai in machina fora del circolo. AMOR: test positivo per tute le done che xe vignùde in circolo el 31 de ‘sto mese passà. Se vedi che xe tornà l’omo calandra. SALUTE: un giorno positivo e una setimana negativa fin al 21, dopo, do giorni negativi e fin a l’ultimo de’l’ano (?) positivi. LAVOR: più o meno! ZOGO: no ris’ciar!
PESSI: per la vigilia magnerè pesse, per Nadal pesse, pe’l’ultimo pesse. Beati voi! “pessi magna pesse”. ‘Tenti al spin. AMOR: secondo el calendario altigibretico del “Bunga-Bunga” farè l’amor ‘sto mese ogni do giorni, tre volte al giorno (sempre che ghe la farè) e, se ve vegnerà un infarto saverè perché. “Far l’amor no xe pecato, basta farlo regolato”. SALUTE: desso ben, domani no so! LAVOR: se tropo impegnadi a fare l’amor. ZOGO: se tropo impegnadi a fare…
Se no me credè…. verifichè!!!
……………………………………………………………………………………………………………………………………………………………………………..
Novembre 2018
‘RIETE: dopo le sorprese de otobre, farè un mucio de cambiamenti. AMOR: omini – cambiarè patner più spesso, vol dir che l’anaconda funziona ancora. Voi done ‘riete, sempre pronte! SALUTE: se ‘ncora in gamba (mariza). LAVOR: andarè a scovar… scale perché gavè picia pension. ZOGO: se ve ‘vanza andè al casinò de Lipica!
TORO: ‘sto mese doverè gaver ‘ssai, ‘ssai pasienza, no come in otobre ; de più! In dicembre perderè la pasienza! AMOR: doverè gaver ‘ssai, ‘ssai pasienza; de più (massimo tre minuti), dipendi dal vostro patner! SALUTE: se gavarè pasienza andarè più meio anca de corpo. LAVOR: no gavè più pasienza! ZOGO: de pasienza (monopoli).
ZEMEI: novità importanti verso la fine del mese. Ve ciamerà parenti pe’l pranzo de Nadal, i se ga zà prenotà a casa vostra. Come el Toro dovè gaver pasienza! AMOR: a sgonfie… vele, come la Barcolana! SALUTE: le stele disi de no far fadighe! LAVOR: per chi che ancora lavora sarà cavoli amari. ZOGO: pinaculo e anca l’8.
CANCRO: per via che gavè granda pensionno i ve ga ciolto a far “nono paleta” fora de’le scole. Pasienza! AMOR: per via che gavè ‘ssai ani rimanderè tuto a l’ultimo de’l’ano. El deto lo savè: “chi no g… el primo de’l’ano, no…” SALUTE: ve meterè in dieta, per via che presto riverà Nadal e alora…, magnerè sazio. ZOGO: se gavè voia.
LION: diventerè noni per la terza volta e bisnoni per la quarta. Su co’l moral, anca se la machineta a voi no funziona più ghe pensa i altri. Chi prima chi dopo! AMOR: gavè za dado (no de brodo)anca massa e desso ciché. SALUTE: tre Padri Nostri e quatro Ave Maria. LAVOR: co’ tuti ‘sti nipoti, no ve manca. ZOGO: mi tenteria la Rulot-rusa!
VERZINI: cari Verzini, ‘sto giro no me go dimenticà de voi. No savè cossa che ve perdè! Dovè crederghe ai vostri patner , no podè miga restar verzini tuta la vita, prima o dopo ‘na sponta ghe vol provar. AMOR: go capì; gavè za provà tuto! El segno astrologico no zentra gnente. SALUTE: gua…i se no la fussi! LAVOR: provè a domandarghe ai disocupai. ZOGO: co ‘sta crisi xe meio far un solitario.
BALANZA: la situazion in ‘sto momento xe ‘ssai drastica ma ‘tenti però, podessi esser che ciaperè istesso un bidon. AMOR: “dame quel fazoletin…, amor dame quel fazoletin”…. SALUTE: ìssai quasi ben a parte quela perdita de memoria e la mancanza de globuli bianchi, aumenti de stimoli sesuali, orgasmi super veloci. LAVOR: ciaperè un aumento (?) de pension che no ve spetavi. ZOGO: se mi fossi in voi tenteria.
SCARPION: no ghe credè a nissun, solo a voi istessi. Ve fidè de tuti e de nissun, dimostrando quel che xe el vostro caratere. AMOR: chi ve ama ve seguirà, ma solo per interessi. SALUTE: porteghe due candele a la Madona de la Salute el 21 de sto mese e vedarè che ve passerà anca la mossa de corpo che ve costringeva a…. LAVOR: la vostra dote, xe saver ‘ssai menar el can per l’aia. ZOGO: zoghè più che podè , ma no vinzerè.
SAGITARIO: ste tranquilli, quela situazion la risolverè senza bisogno de’l’avocato. Quel’altra inveze gaverè bisogno del prete. AMOR: “guarda la luna come che la camina”, se rivè andeghe drio; ste ‘tenti dove che metè i pìe. SALUTE: xe come se voi gavessi el vermo solitario. LAVOR: in nero de giorno (camerier) e in bianco de note (voi savè). ZOGO: puntè tre volte tuto sul rosso e due sul zero; se no vinzerè, podè zogar anca sul 4 su 5 su 6.
CAVRA CO’I CORNI: se in una fase ‘ssai delicata che solo voicavricorni come sempre saverè risolver: sarà duro (meno mal), ma ghe rivarè. AMOR: ”fusse che fusse la volta bona”?no xe facile! Voi savè cossa volè e….no la xe miga cussì, come che te la pensi ti! SALUTE: riguardo el fegato spapolà, e ‘ssai spiza in tel cul, prima de dicembre sarè come novi se magnarè tuto in bianco LAVOR: ‘ssai tropo. ZOGO: quel che volè.
AQUARIO: nonostante un otobre negativo, novembre sarà positivo anca ne’l’alcol test che i ve farà pena montai in machina fora del circolo. AMOR: test positivo per tute le done che xe vignùde in circolo el 31 de ‘sto mese passà. Se vedi che xe tornà l’omo calandra. SALUTE: un giorno positivo e una setimana negativa fin al 21, dopo, do giorni negativi e fin a l’ultimo de’l’ano (?) positivi. LAVOR: più o meno! ZOGO: no ris’ciar!
PESSI: se l’unico segno fortunà de novembre. In dicembre no tanto, ma ve dirò più ‘vanti. AMOR: “gavè el marì che naviga, l’amante intel-leto”. Farè l’amor tre (?) volte al giorno, de più no ghe la fè a meno che no ciolè “l’aiutante” che ve darà ‘na man! SALUTE: un ataco de bile ve farà diventar zali, ma con l’aiuto del vostro patner tornerè come novi LAVOR: fa mal de schena e dopo no rivè a far l’amor. ZOGO: scopa in 15 (xe dispari, no se pol).
Se no me credè…. verifichè!!!
……………………………………………………………………………………………………………………………………………………………………………..
Otobre 2018
‘RIETE: anca per voi l’estate xe svolà e a casa se tornà! Pecà!‘Sto mese per voi sarà rico de sorprese anca ‘ssai strane. Vedarè! AMOR: se un poco stanchi, ma in novembre sarè in piena forma e l’amor trionferà. SALUTE: se sai suriscaldai; tipo fogo de S. Antonio, ma con un per de sponte in tel cul ve passerà. LAVOR: ve se romperà na roba che no se pol riparar. Pecà! BORI: brusai in vacanza. ZOGO: no zogar! Pecà!
TORO: la situazion per otobre sarà drastica, ma un colpo de fortuna ve salverà. Ste ‘tenti istesso, qualchedun ve vol ciavar AMOR: ste ‘tenti istesso qualchedun vol farve la festa anca se no xe la vostra festa. SALUTE: sarè invitai a una festa de compleano; sarè indisposti! Meio! BORI: chi magna prima, cica dopo – però xe chi no magna ne prima ne dopo. ZOGO: tentar no nuoci.
ZEMEI:quatro vache e do videi! ‘Sto qua sarà un mese tranquilo perché podarè far tante robete. Pagar bolete! Giustar el rolè in bagno. Butar via le piante che xe morte senza aqua, e anca altro. AMOR: no gaverè tempo, e po’, se single. LAVOR: no ve manca, farè volontariato a Montuza e con la scusa magnerè là! BORI: ‘ndarè a ciorli (?) in banca e comprarè ‘na panca. ZOGO: el resto dei bori ve lo gaverè zà magnà.
Cancro: ormai xe giunta l’ora, i nipoti torna a scola e ve tocaportarli e anca ciorli. Se bravi noni! AMOR: dopo quela ‘ventura estiva finida (lassemo perder)gavè trovà un altro Cancro come voi.in novembre ve dirò come che ‘ndarà a finir. SALUTE: ve dirò perché so,che ve ciaperà grampi in panza e sarè costreti a magnar in bianco. Xe solo nervoso! LAVOR: se ‘ssai nervosi. . ZOGO: solo dopo el 22 del mese.
LION: dopo un agosto de fogo, passerè un otobre de…! Pecà ieri tornai da le ferie che ve rideva anca el cul e, desso per causa de un per (8) de clandestini che ve ga ocupà el quartier, ve tocherà andar a dormir in Silos. AMOR: no xe proprio el momento. Ve rifarè el prosimo .ano SALUTE: LAVOR: solo de bazilar in questura, meno mal che conossè un che ve darà qualche speranza. ZOGO: no xe voia, no xe ‘l momento. Auguri!
VERZINI: anca se no ve credo che se ancora Verzini ve dirò istesso cossa che ve speta ‘sto mese e ‘vanti. Ve sucederà che, per fatal combinazion troverè l’anima zemela. Sarà un Cancro , ma voi no ve saverè adatar. AMOR: xe sempre meio co’un Toro in leto, el vison in armaron, la Merzedez in garage e …el mona che paga! SALUTE: quele quatro ernie in schena e anca altro (?) no ve permeti de far ben a l’amor; el Cancro ve ga molà! LAVOR: per via dele ernie, no podè più (?) lavorar . sarà solo scuse, no gavè più vinti ani! BORI: ‘ssai più de mi; ofri un caliceto ogni tanto. ZOGO: tentè co’i cavai (5-13- 9) e anca cotecio. Auguri!
BALANZA: finita la fraia de le vacanze, se pronti a ‘frontar la solita tiritera de ogni giorno. AMOR: ‘desso co’l fresco sarà ‘ssai meio: una si dodici (mesi) rivarè a far. SALUTE: no bever rosso, no magnar robe coc sughi rossi, no peperoncino, no mudande rosse. Tuto per via de le moroidi. LAVOR: lavorar fa mal de schena. BORI: tuti soto el materassso e pieni e pieni de puff in giro. Un consilio: ciapela cussì come che la vien. Voi savè!
SCARPION: molerè el corso de computer per andar a far pitura su seda. Sarè ‘ssai impegnadi! AMOR: sarè ‘ssai impegnadi. SALUTE: no sarà mal ‘sto mese, ma in novembre sarà pezo. LAVOR: sarè ‘ssai impegnadi. Insoma, no gavè altro cossa far? BORI: gavè talmente tanti, che li gavè impegnadi. ‘tenti a no impegnarve tropo che dopo co’ndè fora del circolo no trovè più l’aquilon. ZOGO: se proprio volè zoghè. Vinzerè!
SAGITARIO: molerè el corso de pitura su seda per ‘ndar a quei de computer. Passerè un otobre intenso più che mai, in tuti i sensi. AMOR: se carighi (?) per voi ogni momento xe bon (meno co no se carighi)anche ale do de note (?) co dormì. SALUTE: se in grande forma (giro vita)fisica (anca tropa)doverè meterve in dieta za ‘desso per Nadal. LAVOR: in nero al e do de note co’l pìe de porco. ZOGO: mi tenteria, voi no so! Provè!
CAVRA CO’I CORNI: voi no sé testardi, gavè proprio un dono de natura (voi savè qual) . ‘Sto mese se moverà qualcossa che spetavi da tempo. ‘Tenti però,de no cascar da la pignata in tomica! AMOR: fusse che fusse la volta bona? Chi pol dir! SALUTE: se ‘sto esta gavè messo su qualche chilo, xe el momentode tignirse un poco e cior “carbon 50mlg. LAVOR: za dado (no de brodo. ZOGO: vinzerè un torneo de Cotecio.
AQUARIO: nudade, dorade, tociade (?), xe finide le vacanze za de un bel toco. Otobre sarà per voi un mese ‘ssai strano. Ve capiterà robe che no posso dirve per na question de privaci. AMOR: ve digo solo che ve lasserè co’l’amante, tuto el resto xe noia. SALUTE: dipendi de voi. Un consilio: feve ‘na revision; ve convien! LAVOR: se no gavè altro cossa far, senteve e pensè a cossa (?) no far. ZOGO: tuti quei con la scopa (in 15…).
PESSI: sto mese no prometi ben, ma el prossimo sarà ‘ncora pezo, comunque in dicembre ve andarà a sbrega balon per via de le feste de Nadal. AMOR: ‘na roba xe sicura: no ve lasserè con vostra molie anche se gavè l’amante soto el leto o nel’armadio. SALUTE: se sani come un pesse nonostante quele quindese pirole che dovè cior ogni giorno. LAVOR: nonoastante le pirole qualcossa sbisighè ancora. ZOGO: xe meio de nò!
Se no me credè…. verifichè!!!
……………………………………………………………………………………………………………………………………………………………………………..
Setembre 2018
‘RIETE: se pena tornai da le vacanze e se ancora che ve zerché! La caseta de la posta ve sveierà de colpo de tanto piena che la sarà. AMOR: prima paghé le bolete, dopo, se ve ‘vanza, felo magari co’l pensier. SALUTE: fin ‘desso ben, ma a metà mese (no ve digo per no ‘larmarve). LAVOR: che lavori i altri. ZOGO: xe meio de nò sto mese.
TORO: ciaperè un bidon proprio de chi che no pensavi. Un parente de zo ve regalerà un bidon de oio. Resterè senza benzina e no gaverè gnanca ‘na tanica . AMOR: gavè sbaglià de valutar el vostro patner, troverè n’altro. SALUTE: ve cascherà el bidon de oio sul pie sinistro (ongia nera). LAVOR: in nero. ZOGO: puntè sul nero. Auguri!
ZEMEI: no ‘ndarè dacordo co le verzini ‘sto mese e gnanca el prossimo. AMOR: troverè (combinazion) ‘na verzine, ma no che penserè do volte (quel che xe ciapà, xe ciapà). SALUTE: se no fossi per quel noioso mal de testa, poderi ‘andar meio. LAVOR: ‘ssai lavor de testa e poco de man, ciolè alka-selzer. ZOGO: se proprio volè, zoghè!
CANCRO: se ‘ssai contenti de tornar, el vostro patner ga roto i botoli tuto l’estate e ‘desso, a casa chi comanderà? Lassemo perder. AMOR: lassarse dopo le vacanze xe pecà, iera meio che ve lassavi prima. SALUTE: ‘ssai giramenti de…, passerà! LAVOR: el vostro partner xe el vostro datore de lavar. ‘Desso go capì! ZOGO: con chi?
LION: grave ciapà l’aumento de pension? ‘Desso poderè pagar l’IMU e la TASI co’l sorriso sui labri. AMOR: dovè far l’amor con più amor e no giusto per far. LAVOR: co la paleta fora de le scole. SALUTE: mettere mettere la doccia al posto de la vasca; no rivavi più ‘andar drentro. E cussì ve gave magnà l’aumento. ZOGO: tenia da tavolo. Bravi!
VERZINE: xe el mese vostro, dovè sfrutarlo al massimo (chi). Voi savè! Sarà dura, ma provè a insister. AMOR: ve go za dito l’altro mese, no insister più de do volte. SALUTE: insiste, se nò, ciolè na purga. LAVOR: no insisterè gnanca per gnente, gavè za dado (no de brodo). ZOGO: forse che xe la volta bona. Se no tentè, no ciaperè!
BALANZA: tornai da le vacanze, ghe conterè a tuti che ieri qua, ieri là, in crociera in Grecia e a San Pancrazio (no Domingo) che xe un convento. Nissun ve crederà! Epur, el vostro segno sprimi fiducia! AMOR:dopo un estate de fog, passerè un autuno de … SALUTE: finalmente sentai sul vostro condoto, tirerè un sospiro de solievo. LAVOR: se in cassa disintegrazion. ZOGO: tuti quei de man.
SCARPION: come sempre ve bati ben. Vacanze de povereti a Gradopineta in campegio per sparagnar l’albergo (nissun sa, che gavè na barcade dodise metri sconta). AMOR: provè a cambiar patner ogni tanto, ogi se pol, se se xe single! LAVOR: solo in nero e de note col pie de porco, altro no savè far. Gaverè un’oferta per un lavoreto de fiducia, ma rinuncerè. ZOGO: co’ le bele o co’ le brute ghe la ficherè a tuti meno un.
SAGITARIO: xe un segno che no mola mai anca perché se testardi. Xe tuto l’estate che insistì, ma ancora no gavè combinà un clinz. AMOR: xe el momento giusto proprio ’desso che finissi le vacanze, prima ieri tropo sorvegliai dal patner, no podevi ficarghela. LAVOR: xe meio no dir che se in pension za vintidoani e ’desso ve ga anca tornà bori perché gavevi do volte la minima (no gavè mai lavorà)! ZOGO: monopoli.
CAVRA CO’I CORNI: in ’sto mese ciaperè un bidon , anzi, do, perché troverè quel del formaio. AMOR: no ’sto mese, ma el prosimo, troverè l’anima zemela, sarà un Cancro, ma solo de segno zodiacale, pel resto pol anca ’ndar anche se, la ga le gambe pelose e quarantacinque de pie (altro bidon).LAVOR: lavorar fa mal de schena, che lavori i disocupai! ZOGO: sarè tentai de tentar de zogar, ma saverè dir de nò.
AQUARIO: speravi de far ancora do stimane de vacanze, ma per via de un parente (de quei boni, rompi…)che ghe gavevi promesso (ve ieri dimenticado)de piturarghe l’andito e el condoto, gavè dovù tornar. AMOR: ‘sto estate gavè fato falische, ‘desso dovè darve ’na calmada. SALUTE: gaverè un problemin de pression oltre che a un calo organale sotto-panza che in otobre passerà. ZOGO: de l’oca, tria e scova quindese.
PESSI: gavè ’na passion nascosta: ve piasi (?) pescar paruzole de mar co ’na gramparela speciale che solo voi gavè. AMOR: ’sto estate no gavè pescà gnente; ieri tropo controlai da la moliera. Andarè in disco-teca, ma anca là, gnente paruzole. Andarè in eno-teca, ciaparè un balon, vedarè paruzole dapertuto. SALUTE: no ve guanta ’na gamba (mariza), ciaperè el torcicolo e ve girerà… le bale. LAVOR: gavè fato lipe per via de la bala.
Se no me credè, almeno verifichè!
……………………………………………………………………………………………………………………………………………………………………………..
Lulio – Agosto 2018
‘RIETE: se partidi finalmente! Canarie! Avai! Bora-Bora! Magari! Pedocin o molo Balota co’l camper! Voi savè! AMOR: varda la luna (?) come che la camina….sodisfai fin (?) a un zerto punto! SALUTE: ve gavè dimentica a casa le medizine. LAVOR: che bruta parolaza! BORI: gavè ‘ssai più de mi! ZOGO: tuti quei de man: lavre, bobi e piatini (?)!
TORO: no ste scalpitar! Cussì gavè deciso e cussì sucederà! Voi savè! No podè trovar scuse! AMOR: no podè trovar scuse: xe caldo, semo tacadizi, me diol ‘na gamba! Quala? Prego! Me gira. Cossa? SALUTE: tanta, anca tropa! LAVOR: no nominar el lavor invano, gavè za dado! ZOGO: ve magnerè fin l’ultimo euro ne le slote-machine.
ZEMEI: quatro vache e do videi. Ciaperè un colpo soto-panza. No ve la spetavi, ma ve la se zercada! AMOR: no favorevole per el problema de soto-panza. Passerà in agosto. LAVOR: dipendi de voi, ma mi so che no gavè più voia de far un clinz! Anca mi! ZOGO: l’altro mese gavè tentà. Tentè ancora, lulio e agosto, prima o dopo, ciaperè i vostri!
CANCRO: “lulio co’l bene che ti voglio, vedrai…che passerà – ah, ah, ah, ah. – agosto sarà unbon pretesto per magnar branzin ‘rosto. Ah, ah, ah, ah. AMOR:el vostro patner xe ‘ssai bravo de far masagi, el ve farà veder el caro de’l’orsa magiore. SALUTE: gavè le travegole, cambiè patner! Farè un bagno fora programa –zoghe’ al’8 – 41-22-18.
LION: do mesi de passion! Tignì duro! Godeve ‘sto està un poco qua, un poco là. AMOR: con una, co’n’altra, ai monti o al mar, anca in assensor amor xe amor! LAVOR: per piazer!!! SALUTE: un dolor qua, un dolor là, in agosto tuto passerà. ZOGO: gara de ula-op al molo Balota, anca de lavre, de frecete. Farè beneficenza! Auguri!
VERZINE: no scoltar i altri, voi decidè se sì, o se nò! Cossa, savè solo che voi! Incontrerè la persona sbagliada nel momento giusto. AMOR: penseghe do volte. Un cosiglio: mi tenteria, ma no più de do volte. SALUTE: ocio a le vampade de calor e de cior le medizine giuste. ZOGO: tiro de la fune senza fune (?). Se pol! Andarè in crocera. Auguri!
BALANZA: chi xe nato in setembre e anca in otobre, se alzi, se alzi e impignissi el suo bicer..e.. bevilo, bevilo… Come xe balanze, ve ste divertendo come mati? Beati voi! No savè cossa che ve speta co’ sarè tornai da le vacanze! Trovere diese peri de zavate fora de’la porta de’ntrata. Ve lasso al’imaginazion vostra. AMOR: ogni tanto! SALUTE: ciaperè un colpo de sol con successivo brustolamento. LAVOR: lassemo perder. ZOGO: no xe el momento giusto. BORI: no pianzer e no sospirar.
SCARPION: do mesi ‘sti qua de alti e bassi. Saverè come sempre smussar i cantoni per rivar dove che volè rivar. AMOR: intesa profonda co’l patner, in tuti i sensi sia unici che alternadi e anca a inversione a “U”. SALUTE: poderia ‘ndar un poco meio specialmente de corpo. Oltre che a stitici se anca ‘ssai statici anca de taquin: LAVOR: no se boni de star senza sbisigar qualcossa (?). ZOGO: solo cul. BORI: ‘ssai, ‘ssai cul.
SAGITARIO: per quela roba che voi soli savè, (mi no posso far la iaspi)no xe gnente de far. Insistì e prima o dopo riverà (?) AMOR: questo xe el vostro punto debole, perché no insistì! Dai, dai, deghe drentro. LAVOR: qua proprio no insistì, xe come se un, ve domandaria zento euri! ZOGO: se te zoghi ti zoga anche lui e se zoga quel’altro, no zogo mi. Ciaro! BORI: ve ‘vanza? Demeli a mi che ciogo do cartuce per la stampante.
CAVRA CO’I CORNI: ve va tre storte e ‘na drita fin el 22 de agosto e dopo recuperere, tre drite e ‘na storta. AMOR: sarìa meio no tocar ‘sto tasto, manca la materia prima, e cioe… lassemo perder! SALUTE: se ben de fisico, ma gavè ‘ssai problemi de stomigo: Ve consiglio €carbon e sarè come la Grecia. LAVOR: da un pochi de ani se (?) disocupai: Basta cassa disintegrazion! ZOGO: se proprio volè! BORI: se proprio li gavè! Auguri!
AQUARIO: patirè ‘ssai caldo (anca mi)‘sto mese e za che se, anca el prossimo. Resisterè: se o no se aquari? Mai molar, mai lassarse ‘ndar, mai pissar fora del bucal, mai dire mai, chi pol dir? AMORE: se coti de una o un che caso strano xe el vostro patner. Voi volessi ‘na roba, ma lui o ela no sarà in grado de darve. SALUTE: dove far ‘na revision. LAVOR: se za in pension vinti ani. ZOGO: ‘ssai cul dal 12 lulio in poi. BORI: tropi.
PESSI: lessi (no el can) in savor, friti, in griglia xe la vostra passion, ‘tenti però de no finirghe voi in pignata! ‘Na sorprea el primo de agosto (de pagar). AMOR: ‘na sorpresa co’una che pensarè femina; ‘tenti che inveze sarà un travestido (ve go ‘visà)! No acetar incontri strani specialmente in scuro. SALUTE: ve tombolerè su’n pel de…cavel. LAVOR: se ga roto la (?) machineta e no riverè più ripararla. ZOGO e BORI: mai insieme; meio solo bori; pe’l zogo, o savè zogar o se no, gaverè solo cul. AUGURI!
Inveze de vardar le stele, vardè dove che metè i pìe!
……………………………………………………………………………………………………………………………………………………………………………..
Giugno 2018
‘RIETE:quel che xe sucesso in april, dimentichelo; no sucederà mai più! Quel che stà per sucederve in ‘sto mese no poderè dimenticarvelo! La colpa xe de’la baba che ve imbambinissi de ciacole. Ricordeve che se un segno de fogo. Viverè ‘sto mese co’ssai spirito de brusar. L’amor: sensazioni strane. La salute: sorprese strane. Bori: giusti, giusti che i riva. Zoghè el 44 el 68 x Firenze.
TORO: finalmente xe giunta l’ora, subito fora dovè ‘ndar! Sì, cari Torini, dovè deciderve de far el passo più longo de’ la gamba o, caminar co’l pìe in tel stagnaco! Mi ris’ceria! L’amor funzionerà ‘ssai ben in tuti i sensi (?). La salute andarà ‘ssai meio de quanto voi istessi pensassi! I bori li gavevi messi de parte per le ferie estive; quindi: no problens! Zogo: ve consiglio la scopa (?). Dieta estiva? Si!
ZEMEI:el mese de magio, no ve ga dà nissuna sodisfazion, sìa in senso meterologico che in senso pissicologico! Me spiego! ‘Ssai speravi, ma gnente se ga esaudì de quel che pensavi che se esaudissi. ‘Sto mese inveze, sarà un de quei mesi giusti per far: l’amor (tre volte), rinovar la patente con rito abreviato (ritiro), cior novo costume de bagno (melizoma), saltar come un mona e zogar tre numeri a l’8 – 32-34-88 su qualsiasi roda, meno che Pisa
CRANCRO:‘Sto mese sarè ‘ssai fortunai, no ciaperè le seguenti robe: no ve le digo tute perché se nò, no ga viz. 1° nissun aumento de 80 euri – inveze ciaperè: 2° aumento de’l TIR, del TAR, del PCTP (più che te pol) che xe na nova tassa. 3° aumento de’la famosa tassa su’l’ombra. 4° lassemo perder! Me fermo qua! Altro che vacanze estive! Menomal che xe Mario! Amor e salute camina insieme.
LEON: xe’l vostro momento; in spiagia fare furori. Co’l vostro charme (?) gaverè ‘na’sventura drio l’altra. Savè perché? Perché volè tutintun far tuto e, no sé a l’alteza. Ve consolerè co’un spriz-aperol! La salute podessi ‘ndar più meio, ma quela legera (?) spuza de aio, no ve iuta. Co’la dieta no ghe semo; dove esser più sicuri de rivar dove che volè rivar. Voi soli savè dove! Ciaperè l’8 e anca la 29.
VERZINE:tuto el vostro sex-a-pel vegnerà fora tra el 23 de agosto el 22 de setembre. Tuto el resto: xe noia! Comunque senza che ve fe illusioni, giugno sarà meio de aprile passà e pezo de lulio che ga ancora de rivar. L’amor dopo le ultime ciacole, resta in pìe. La salute ve farà star in leto. Zogo? Più che scalognai. Diventerè bisnoni. Ciau!
BALANZA:chi xe nato in settembre (anca otobre)se alzi, se alzi; chi xe……Savè come che va a finir! Afronterè in ‘sto mese ‘na storia seria (come voi).Ciapela de peto (misura: terza c). Ve ste divertendo come mati: Al mar sospirerè de bruto (soto aqua).Fora, sarè come fringuei (in griglia).Brustolai de’sol. Salute: più zò che sù! Bori: più sù che zò! E resto? Moneda! In lulio ‘ndarà più meio de magio!
SCORPION:se segno de aqua, ma no savè ‘ncora nudar! Farè un corso de soravivenza co’una che ga ‘ssai ‘sperienza: finirè in leto. La malinconia no ve mancherà co’sta Moldava! Farè festini e beverè ‘ssai trapa verde. ‘Ndarè de corpo e anche de anima, de sora e de soto. Tuto el resto sarà noia! Sul più bel‘na letera ve scombussolerà tuti i piani.Salute: ‘ndarè in escandesenza dopo la prima solada.
SAGITARIO:se tropo sicuri de voi istessi. Vardeve davanti e soratuto de drio. Per ‘sto estate gavè tuto combinà: voi in montagna e, el vostro patner al mar! Gaverè grossi problemi seri (corni).La salute ve salva grazie a la dolce (amante)Euchessina. ‘Na proposta indecente ve vegnerà fata da una che iera al de sora de ogni sospeto. Pagherè sazio! Basta co’l Buraco; fe‘na scopa in quatro.
CAVRA CO’I CORNI:per un segno de tera ‘ndar in aqua, xe come scotarse co’l fogo, specialmente se la xe freda. Ve gavè concentrà de far ‘n’estate de pase? No sarà proprio cussì e no ve digo gnanca perché! Vedarè! Anzi ve digo! Sol, no podè ciapar per via de le vene vanitose. Bever no poderè per via de la solita ongia incarnada. Fuligar no poderè per via che ve xe cresù la pansa e deconseguenza….. Ciaperè ‘na sponta in tel cul da un musato gigante.
AQUARIO:chi dirìa che sè un segno de tera? ‘Sto mese sarà proprio quel bon se saverè acetar tute le condizioni che el vostro patner ve imponerà. No stè ciaparvela: o cussì, o pomì! Xe bel ‘ndar in vacanza? Sì! E alora ve auguro de spassarvela meio più che ben che podè, perché se nò no ga viz ‘ndar. Capì? El giorno nove, ve ricorderè de qualcossa che xe sucesso tanti ani fa. Voi savè cossa!
PESSI: pensavi che me saria dimenticà de voi? Forse dirè che iera meio de si? Anca se gavè ‘ssai resistenza in aqua, ve negherè in un bicer de vin! ‘Sto mese sarà quel decisivo; riverè far de più de quel che pensavi de no rivar far (voi savè cossa). ‘Tenti però de no strafar! Amor: no strafar! Salute: no strafar! Bori: strafè, se no che gusto xe? Nel zogo più che volerè ciapar, meno ciaperè. Pe’l resto no’ndarà proprio tanto mal. Auguri e…….Bone tociade!!!
Se no me credè, verifichè!!!
……………………………………………………………………………………………………………………………………………………………………………..
Magio 2018
‘RIETE: mese ‘sto qua pien de iniziative cul turali, sentimentali e fisiologiche. Sarè ‘ssai concentrai, quasi ogni matina fin al 22, dopo ve passerà el scagot. AMORE: desidererè de far un fio. Farè ‘na gita a Rovigno co’l’aliscafo, incontrerè l’anima zemela. Riverè che l’aliscafo xe zà ripartì. SALUTE: più de cussì, sc’iope. BORI: 1001. ZOGO: no!
TORO: scalpitè come mati; no vedè l’ora; no molar; la grinta no ve manca! AMOR: se’vicina el momento clù! ‘Tenti però de no strafar! L’estate sta ‘rivando e zà fe preriscaldamento (?). SALUTE: ‘ssai nervosi e su de pression. BORI: afari strani in vista (questioni legali). Ciaperè un premio de sconsolazion per esser rivài ultimi!
ZEMEI: se se nati in ‘sto mese, sarè scalognai se se nati entro el ventiun de giugno sarè sfortunai, ma in lulio inveze, ‘ndara ‘ssai più meio (?). AMOR: ve sentì un toro, ‘ndarè co’na vergine, nasserà do zemei. Zemei con zemei no va dacordo! SALUTE: se ghe saria un trampolin de ventiun metri ve butassi. BORI: x l’ortopedico!
CRANCRO: quel che doveva suceder el mese passà no xe sucesso: ve garantisso che no sucederà! Credeme! (voi savè cossa). AMORE: se no xe ‘ncora sucesso sucederà, xe sempre ‘na prima volta! FORTUNA: sucederà quel che no xe mai sucesso: in gita vinzerè un parsuto de dodise chili. BORI: pagar un bicer ogni tanto!
LEON: chi xe nato in agosto se alzi, se alzi….. e bevilo, bevilo, bevilo… Ve ‘ssai rabierè, ma dopo un mese ve passerà. AMOR: se ‘ssai indecisi! Ogni lassada xe persa! ‘Tenti però, no gavè più vinti ani! FORTUNA: ciaperè un bidon de quei che lassa el segno. BORI: verzerè un local noturno (co’l pìe de porco). ZOGO: gaverè ‘ssai cul!
VERZINE: el vostro caratere xe: ocio de soto! Volè ‘ver ragion sempre! Vole comandar, savè una più del diavolo, ma troverè quel de’l formaio! AMORE: ‘ssai fortunai, savè seglier ben! FORTUNA: ‘na setimana sì, ‘na setimana nò. Un consiglio: no ste stuzigar i cavra co’i corni, xe un segno contrario ‘sto mese, provè co’l toro! ZOGO: scopa.
BALANZA: se in perfeta armonia co’la stagion. Se pronti, contenti, ve ridi anca el cul. Costume de bagno xe de cambiar e in forma cussì, come che sé, dove restar. AMOR: no più che tanto. SALUTE: rigonfiamento de’la vesiga (de’un pìe). FORTUNA: gnanca tanta. ZOGO: perdenti in tuto meno che in gnagno cativo. Sorpresa!
SCARPION: xe ‘ssai strano, voi che se sempre decisi, gaverè ‘n’atimo de indecision: volerè dir, ma no dirè, volerè far, ma no farè, volerè molar, ma no molerè (?), volerè….., no poderè.Tuto questo per colpa de Mario! AMORE: un giorno sì, tre giorni no. SALUTE: gastroenpiricamente parlando, no xe mal. FORTUNA: anca tropa.
SAGITARIO: no ste lassarve provocarin ‘sto mese se no xe ca..voli vostri. Resistè più che podè, basta che no sc’iopè! AMORE: ‘na nova fiama ve bruserà l’anima, ma voi resisterè; la molie ve tien de ocio. SALUTE: sc’ioperè! Molerè la vostra patner per ‘sta nova fiama. Passerè ‘n’estate de m….., ma ve referè co tornere da la molie.
CAVRA CO’I CORNI: ‘sto mese e anca el prossimo, al Pedocin no gaverè rivali (?) in scopa quindese. Come sempre sare concreti e circoncisi. AMORE: no xe …… che tegni, se i meio de la spiagia. Ciaperè ‘na decision drastica, cambierè bagno, ‘ndarè al molo T. SAUTE: a parte un gran spizamento de… tuto ben! FORTUNA: no!
AQUARIO: ciapere ‘na prima solada, ve bruserà tuto. ’Na vostra vicina de rulot la ve onzerà co’na crema speciale cinese; diventerè zali! La crema no sarà bona, ma i masagi, no iera mal, eh! AMORE: gnanca dir: con quela che ve ga onto! SALUTE: Ste’tenti ‘pena che ve ricressi de novo la pele! FORTUNA: solo ne’i giorni dispari. Zoghè l’8!
PESSI:farè 9 conosenze in campegio, ma ‘tenti a la moliera, che no la ve mola gnanca se la molè voi. Tignì duro e fe finta de gnente! AMORE: ste’tenti a quel che gaverè intenzion de far, no ve convien. Omo avisado, mezo salvado! Se merita, mi farìa, costi quel che costi! FORTUNA: una su cinque, ciaperè. ZOGO: ogni tanto vinzerè Ciauuu.!
Se no me credè, verifichè!!!
……………………………………………………………………………………………………………………………………………………………………………..
April 2018
‘RIETE: doverè ‘ver tanta pasiensa e determinasion ‘sto mese! Se zà partidi co’l pìe sbaià, ma se no esagererè in certe situazioni forse ghe la farè (voi savè cossa). Amore: chi tropo prima, chi poco dopo; eco voi se ‘na via de zome! Salute: aciachi de stagion. Bori: ve spiza ‘ssai le man. ‘Ndarè dacordo co’i zemei. Zoghè tuto sul 12 nero
TORO: ‘sto mese ingrumerè quel che gavè seminà, in tuti i sensi; se lavorè, se no lavorè, se gaverè voia o no gaverè, se sarà caldo o se sarà fredo, se….insoma, mieterè sucessi. Amore: ve mancherà le forze su’el più bel. Salute: causa i vostri vizi, ve vegnerà a mancar el fià. Bori: tireli fora de la banca e scondeli. Co’l Cancro ‘ndarè dacordo.
ZEMEI: gaverè su..cessi sìa profesionali (?), che sentimentali (?).Dovè sfrutar le ocasioni. El raporto de copia durerà finch’el dura. No ste isolarve, no se timidi come che i pensa! Cominciè a curar el vostro aspeto fisico se volè far furori in spiagia ‘sto està. Risolverè un grando problema. El primo de’April gaverè ‘na sorpresa. No zogar.
CRANCRO: gavè ‘na probabilità su mile in tuti i sensi, meno che in amor. No ste disperarve, in giugno dimostrerè de che pasta sfoia se fati. Dove? Al Pedocin! Forse i buta zò el muro! Relazioni pericolose! Sarè insodisfati al massimo. No ste lassarve ‘ndar! Ve ciaperà granfi, ve ciaperà voie strane, i ve ciolerà pe’l cul. ‘sto mese. Ocio al’Riete.
LEON: se no sè in pension ciaperè un aumento, se invece sé in pension, ciaperè do. Amor: se l’ano ‘pena passà xe stado deludente, ‘sto qua sarà, specialmente ‘sto està, drastico (?), ma co’l catetere vostro saverè vignirghe fora. Salute: oltre i limiti (?). Bori: al limite. Zogo: El frate ga…. No esser precipitosi: pensè prima de parlar.
VERZINE: gavè la testa che ve cori come se la rodolassi zo per via Donota, perché se tuti in ansia che vegni magio per ‘ndar in campegio. Là, sfodererè tuto el vostro “sex-apel”. Gaverè forti emozioni, sospiri de solievo, Boirè tuto in un boio e pensarè de cambiar patner. Forse xe meio che cambiè roulot o incugnela meio che quei vicini se ga za lamentàMenomal che se Verzini! La salute: in forma smaliante (?). ‘Tenti al sol de april e……… in boca alla balena.
BALANZA: se i disi che april xe dolze dormir, e ghe credè, ve sbagliè de grosso e anca de fin. Par de no, ma sarà ‘sto qua un mese ‘ssai movimentà. Andarà tuto quasi ben in tuto, meno che in una roba! Me saverè dir anca se mi, lo so zà, ma no ve digo, perché no gaveria viz! L’amor xe orbo e anca sordo, ma voi no bazilè (?). La salute: a parte el scagot xe ok. I bori! Spinaze! El zogo: gavè cul!
SCARPION: Gavè ciapà ‘na strana decision: no ve ferma più nissun! Cavoli vostri, ve gavevo ‘visà! Ve agiterè per gnente e a la fine capirè che iera giusto cussì! Menomal! Se no sé sposai, ve sposerè; se no fumè, fumerè; se bevevi, per amor smeterè. Salute: malamente per via del fumo. Bori: spesi per le bomboniere. El zogo: ve sconsiglio; no xe el momento! Ma, no gavè altro cossa far?
SAGITARIO: se marzo iera marzo, april sarà rico de sorprese. Ve aviso: ‘tenti a Mario! Ve aviso: ‘tenti a l’omo calandra! Ve aviso: ‘tenti ai cornazi! Insoma:ste’tenti! L’amor no funziona, perché se tropo insistenti (?), ma se fossi in voi, no insisteria più! Xe’na vecia tecnica! Ciaperè un bidon proprio el giorno de “Le Palme”. Ve aviso: no meter la machina là, al solito posto. A parte sabato 14, tuto ok!
CAVRA CO’I CORNI: se tropo impegnai a prepararve per ‘sto està: Deciderè prima ‘ncora de pensar de decider quel che gavevi za deciso de far e che no gavè mai fato. L’importante xe che lo fè! Voi savè! Anche mi so, ma no ve digo! L’amor guanta ben; guanteve anche voi! Ocio a’linfarto! Cambiere…. el costume de mar. Se za imersi co’l pensier al molo balota e,‘sto està, farè furori.
AQUARIO: sarè stimoladi da un eclisse de sol che ve cambierà, per efeto gastrologico le carte in tavola. Ve lasserè co’l vostro patner. Troverè ‘naltro! Ve lasserè de novo, ma troverè ‘naltro. Xe qualcossa che no ve bati ben! Anca a mi me par! Amor xe amor e no brodo de bechi! No xe più de moda i latrinlaver! Gaverè fortuna se conosse Mario (l’amico de Berto). La salute: ogni giorno a le 07.30.
PESSI: carissimi pessi pensavi che ve lassasi fora, ma ogi che xe venerdì pensavo proprio de fare ‘na bela grigliada, ma venimo al sodo! Pessi, ‘ste tenti al pesse d’aprii! No’ndé dacordo co’i pescadori, però vinzeré ‘na gara de pesca! Per restar in tema, ciaperé un bidon da un aquario. Amor: a sgonfie vele! Salute: reumi de stagion. Bori: vincolai per diese ani. Zogo: no zogar! No fumar, no bever, no… Auguri!!!
Se no me credè, verifichè!!!
……………………………………………………………………………………………………………………………………………………………………………..
Marzo 2018
‘RIETE: se stai ‘tenti el 28 de febraio? Ve gavevo avisà! Sarò ciaro con voi ‘rietini. Marzo sarà per voi decisivo: o la va o la spaca! Voi savè cossa! Ve gavevi ricordà per San Valentin? Voi savè cossa! E l’amor? Se ga roto la machineta el…., no demoralizarse: xe la vìt, più stort che drit. Salute: ‘ssai abondante (de panza). Bori: più de un. Zogo: xe meio de no! Fortuna: come i bori. Sfortuna: come l’amor.
TORO: marzo anca per voi, sarà un mese scalognà. No disperarse! Con magio, tuto ‘ndarà un poco meio. (un poco). Agosto, sarà un mese de fogo, perché fare tuto quel che no gavère fato in marzo. Per aprile, xe tempo. L’amor ve meti in crisi. Se indecisi se molar, o no el vostro patner. Un consiglio: no molarla/lo. La fortuna girerà contraria fino al 27, e dopo, co’la vostra discrezion, ve magnerè la pension. Ocio a le machinete magna-bori. Vardè dove metè i pìe!
ZEMEI: se sempre i soliti, ve profitè perché se in do, ma, ‘tenti al lupo! Marzo no ve conferisi co’l’atrite ossea e anca co’ la zervicale. L’amor no podè far perché se duri (?), anca de comprendonio. Decidere de’ndar a far i fanghi e cussì no poderè ‘ndar ingrumar funghi. Pe’l resto, pezo de cussì se mori. Coragio! Zogherè 3/7 co’l morto. April però, farè ‘na roba che xe meio no contarghe a nissun.
CRANCRO : sucederà, no per colpa mia, che doverè ciapar ‘na drastica decision. Ve sposerè! Cussì disi le stele e anca la panza de la vostra patner. Ve gavevo ‘visà in lulio 2000diciasete! Ste tranquili, sarà mas’cio e lo ciamerè Giovanin. Gaverè ‘ssai fortuna ne’i’afari (voi save quai). Scalogna nel zogo e “dulcis infundo” ciaperè (visto la futura nassita) n’aumento de pension. Ma quanti ani gavè?
LEON: ‘na bona notizia: la stiticità quasi cronica che gavevi in febraio ve sta quasi passando grazie al segno de fogo che sè. In amor, poco fogo ‘sto mese, gavè tropo profità quel pena passà! La salute, per via de un spizamento no ve lasserà dormir, ma in compenso recupererè in lulio. Bori: no prestar! Zogo: no zogar! Ve riverà ‘na bela letera da’l’Alabama. El famoso zio d’America? Auguri!
VERZINE: solo do mesi fa ierimo in genaio el prossimo mese sarà za‘pril. Gavè fato n’esame de cosiensa? Cossa xe su cesso in ‘sti do mesi? Voi savè! Per fortuna che le… i pianeti gira pe’l verso giusto altrimenti co’ la sfortuna che gavè in tuto meno che in amor, saressi proprio ‘ssai sfigai. Tigni duro in tuti i sensi anca co’spetè de’ndar in condoto in circolo e che xe la fila. Pel resto: bori gavè, al zogo vinzè.
BALANZA: ve sta girando le …stele nel senso giusto. Fusse che fusse la volta bona? Magari, dire Voi! Ma no la xe proprio cussì! L’amor xe’ndà in brodo de giugiole. La salute xe ‘ndada a farse friser e co’i bori andarè a remengo per via del zogo. A la fin de Marzo con un colpo de cul, risolverè tuto. La sfortuna no ve manca. Coragio!
SCARPION: Gavè visto, tuto ve xe ‘ndà come che ve gavevo previsto! No xe su cesso gnente! Menomal! Atenti però: Marzo xe mato, no solo co’el tempo. Vardeve de drio, anca de fianco e anca davanti! L’amor va a sgonfie vele. Con la salute, a partir dal quindese de ‘sto mese, gaverè un picio problemin intimo. La fortuna per fortuna disi che sarè fortunai. Zoghè tuto, meno che……..l’8.
SAGITARIO: marzo per voi, sarà proprio marzo. Me spiego! Ve ricordè de marzo domiladodise? Ecco, sarà cussì! Voi no ste bazilar, ‘ndara tuto ‘ssai ben! Dipendi de voi. L’amor lassa molto a desiderar ne i mesi dispari. La salute: i giorni pari starè meio che ne i giorni dispari. Ocio sabato ventidò! Bori: no pianzer! Zogo: no zogar!
CAVRA CO’I CORNI: voi se proprio un segno co’i corni. Per el resto, no ve frega nissun. La vostra coriacità nel far sempre quel che podessi far i altri ve imponi a far. Contenti Voi! L’amor: un mese si, un mese no. La salute: tocheve le… orece. La fortuna: lassemo perder. El zogo che ve piasi xe cotecio co’l morto (anca senza).
AQUARIO: fantasia no ve manca xe per questo che ciaperè un bidon. Verzè i oci, vardeve intorno, la realtà xe ‘ssai diversa! Se ‘ssai entusiasti in quel che fe, ma ‘tenti, no xe sempre lunedì! L’amor xe el vostro punto de forza (?). La salute: a parte i diese chile de tropo, per la fine de april sarè più che in forma. El zogo: lassè perder!
PESSI: za pregustè la bela stagion e fe zà pronostici. Atenti ai pescadori! Febraio no ve xe’ndà tanto mal, anzi, meio de genaio e più pezo de novembre (quel che ga de venir). L’amor xe un poco scombussolà, no savè se cambiar patner o trovarve n’ amante. La salute: se in forma (anca tropo). Bori: più de cussì! Zogo: no tanto.
Se no me credè, verifichè!!!
Febraio 2018
‘RIETE: dopo le insodisfasioni de genaio causade da la vostra autosuficensa, ‘sto mese sucederà quel che voi no ve gavessi mai imaginà.Ve crolerà el plafon in condoto – sbuserè na goma (quela destra davanti) – ve’ndarà per treso un toco de parsuto. In amor, ciaperè ‘na ciavada. Nel zogo ciaperè ‘na fregada, co’i bori che ve resta farè ‘na magnada. De salute: el solito brusco in te’l cul, e resto…….. moneda.
TORO: ‘Sto mese: dificoltà de comunicar co’l vostro patner (cambiè telefonin)! Dificoltà de pagar un debito (solo fazendo un altro debito risolverè el problema). Dificoltà de digestion (ciolè do zolete de eurocarbon) . Dificoltà in te’l far l’amor (ca..voli vostri). A parte tute ‘ste dificoltà gnente ve fermerà, in magio tuto migliorerà! Vardè’vanti (ocio al scalin). Vardè in alto (ocio el pal). Vardè dove metè i pìe, se no, no vinzerè mai gnente!
ZEMEI: do zemei va dacordo co’na sola verzine (sempre che la ghe staghi). I zemei no pol ‘ndar co’la cavra co’i corni. Cari zemei, se partidi in sordina ‘sto ano, ma più ‘vanti gaverè mileun’ocasioni de dimostrar de che pasta che se fati. In amor zercherè 9 aventure (vignì in circolo troverè quel che zerchè). Atenzion: gavè ‘na tendenza a spender e a spander, trategnive! In luglio, ciapere un … colpo (de sol). Ciaperè l’8.
CRANCRO: ‘Sto ano sarà incisivo in tuti i sensi. Ve caverè un molare, meno quei che ve xe za cascài, ve resterà do canini. Magnerè ‘ssai gnocheti de gries! Gaverè ‘na storia con una che ga ‘na tazadora e anca la xe ‘ssai taza anime, (un consiglio), molela prima de meterse insieme! In marzo ve pronterè per far un viagio con la “COSTA SFIGADA” (ultima varada) e farè testamento. Pe’l resto, a parte l’ongia nera, ciaperè l’8.
LEON: sarà per voi leoncini un momento sfavorevole incominciando dal 28 marzo fin al 28 giugno; in agosto sarà ‘ssai fumo e poco ‘rosto e, el meio riverà in setembre. ‘Sto mese invece sarà rico de sorprese, ma anche de ‘ssai spese. L’amor funzionerà (?) più meio che ben ‘na volta al mese (co’la pirola blu). I bori no ve manca – de salute,,,,, ‘ssai mal de panza – Zoghè tuto meno ch’l 8. Ah… si, ve racomando: dieta assoluta!
VERZINE: Podè tirar un sospiro de solievo ‘sti primi tre mesi de’l’ano. Ve sucederà de tuto, sìa bel che bruto. Sarè de boio nel’amor – farè fogo e fiame – fare tuto quel che no gavè mai fato – dimostrerè la vostra… pureza (?) – logicamente tuto questo lo farè co’n’altro patner, no co’l vostro – In salute ve bruserè co’l vin brulè – Ste ziti e bone, xe meio che no verzè boca – Gavè bori che ve ‘vanza? Son qua! Fisicamente se rovinai – no zogar buraco con Mario. Ciaperè l’8
BALANZA: ‘sto ano pena rivà sarà decisivo per voi. Doverè far de le sèlte: o cussì o pomì! Però, no ste montarve la testa! Ve capiterà de tuto, ma come sempre superere sìa el bel che’l bruto. Amor: più che podè. Bori: gnanca un, e co’l zogo, se no zoghè, no vinzerè mai! Voi balanze se desiderai più de le verzini per via del vostro sex-a-pel. Ocio al scarpion. Sentì poco de’n’orecia e ve diol la gamba mariza.
SCARPION: verzè i oci, xe tuto un mondo intorno a voi! Sfruterè tute le ocasioni che ve capiterà. Sarè duri nei sentimenti e teneri in tel fare al’amor. Xe meio un bicer de Dalmato (anca do). La vostra piera preferita se ciama Agata; solo a sfregarla, ve stimolerà mente e anca el corpo. La salute vien magnando (meteve in dieta). La sede vien bevendo (no trink per tre giorni). L’amor: co’xe voia, xe voia!
SAGITARIO: ve xe rivà le sorprese? Vedarè che co’le riva, le riva tute in tun. Gaverè un idea geniale, sfrutela al massimo. In‘sto periodo sarè ‘ssai otimisti; ghe crederè a tuti e ciaperè un grando bidon. Per fortuna ch’el vostro patner xe un Cancro e ve sostien fisiologicamente e, co’ funziona (?)l’amor, funziona tuto. Pecà per la salute; proprio ‘desso no ghe voleva! Magnè zicoria amara co’l’aio.
CAVRA CO’I CORNI: gavè leto el vostro’roscopo de genaio? Gavè messo in opera i diese comandamenti? Omini ste’tenti, donete, ste’tente, xe ‘sto qua un bruto periodo, ma no per l’amor! Sarè come muli de vinti ani almeno ‘na volta l’ano. Per resto dovè rangiarve! Ste ‘tenti a no far sélte sbaiade. L’amicizia funziona, se sempre disponibili, ma un ve tradirà! Salute: se pieni e anca piene.
AQUARIO: gavevo predeto che no gaverè più aria in panza, ma in compenso ve manca l’aria, anca se, sé un segno de aria ma, come ve go za dito, no ste darve tante arie. – La trasgression no fa per voi, no gavè più l’età! Doverè rinunciar a qualcossa (per via de le tasse). No vedè l’ora che vegni magio per’ndar in campegio a lavorar. Difati le stele ga dito che gaverè zentoeuna sodisfazion ne’lavor. La salute guanta, i bori no manca (fe testamento). No zogar cotecio co’l morto.
PESSI: El primo mese de’sto ano xe passà pezo de quel che pensavi, ma ‘sto altro mese sarà come setembre del 2016; ve ricordè? Andè a leger el ‘roscopo su el giornalin de quel mese. El xe in biblioteca de’el zircolo. Per febraio le stele disi che farè barufa per un oroloio che i ve ga sbagazà (no iera subaqueo)! L’amor funziona (?) – Bori a capei – Salute: perdita de memoria (paghè el puf) – Zogo: chi mi, ti si, mi no, chi po’? El frate.., ve ricordè? Ciauu!
Genaio 2018
‘RIETE: bon ano cari ‘Rieti! Nonostante tute le feste , se ‘ncora pieni de morbin. Ste ‘tenti, salveve un poco de ‘nergia per el 28 de ‘sto mese che sucederà qualcossa. Ve riverà do robe: ‘na bela (de pagar), ‘na bruta (gratis). Me saverè dir! Ghe darè ‘na giustadina a la forma fisica e dopo poderè far l’amor anca ‘na volta al mese (?). Salute: za dito. dieta! Bori: come li gavè ciapà, cussì i xe ‘ndai.
TORO: cari Torini, bon ano! Se gavè fato quela roba l’ultimo de’l’ano, sarè fortunai fin in novembre. Se no la gavè fata, fin per S.Piero e Paulo. Voi savè cossa! La Luna ve gira contraria. El Sol no gira più e le stele sta a vardar. Voi savè cossa! Salute: tremaz. Bori: tremor. Amor: dovè osar de più. Zogo: mi no, e ti? Forse! Se zoghè qualcossa ciaperè. Ciaperè l’8 a Roian. Mantenì la calma.
ZEMEI: ragionè prima de parlar, anche prima de ragionar, anca prima de…. Insoma: ste ‘tenti! Troverè quel de’l’aio, e quel del formaio. Volevo dirve: troverè ‘na babeta ‘ssai ‘vanti co’l’età, ma piena de voia. Farè ‘na scapatela! Farè un Bunga-Bunga. Farè un casin. Vostra molie xe a casa che ve speta (?). Salute: mossa de corpo per tre giorni. Zogo: xe meio de no! Rinovè la patente.
CANCRO: se nati in estate un giorno che pioveva. I ve ga batizà in autuno un giorno che pioveva, ve gavè sposà in inverno un giorno che pioveva, xe nato Mario un giorno che pioveva. Gavè …. pioveva. Se ‘ndai….pioveva. In compenso se stai ‘ssai fortunai in amor e in zogo (amor e zogo no va ben!), ma malamente de salute; ‘na gamba no ve guanta; quala? Prego! Auguri! Prosit!
LEON: cari leoncini, gavè fato fogo e fiame per ‘ste feste? Sì! ‘Desso dovè darve un cuc, anca se xe de darghe ‘ncora un ruc. La Befana ve farà ‘na sorpresa, resterè de stuco, ma anca contenti: doverè ‘cetar per forza. Ciaperè ‘na decision drastica. Sarè ‘ssai esigenti e anca colerici. De salute un poco stitici. Per quel viagio un consiglio: rimandelo! Per quela multa: paghela! Resto Ok!
VERZINE: no’ndar in aereo l’11 setembre, ‘ndè el 22. No ste corer tropo, xe’pena genaio! Piutosto, xe de quando che ve gavè sposà che’l vostro patner speta de far l’amor (con voi) (?)!!! Se proprio Verzini (?)!!! Meno mal che se de boca bona e anca de arsura no xe mal. ‘Sto ano farè furori in tuti i campi, meno che un. Bon proseguimentoi a tute le Verzini (?), e…. ocio ai corni!!! AUGURI!
BALANZA: passade le feste za xè, e ‘ssai arie ve dè. Bubane finide xe za, befana e carnaval riverà, sorpresa ‘ssai grossa ciaperè, el vostro patner ve lasserà. Salute me par che no ve vanza a parte quel’aria che gavè in panza. Soluzion giusta ciaperè, beverè limonada rosè. De pagar tuto gavè che de lagrime un bidè impignerè. La fortuna ve gira contrario, la colpa xe tuta de Mario!
SCARPION: l’ano novo ga scominzià e in braghe de tela voi se restà. La colpa de chi che la xè, solo voi lo savè! Adesso paghè! Miracolo sucederà, vostra patner incinta resterà. Pirola no xe stada ciolta, ve gavè dimenticà, e dopo nove mesi, fioluz nasserà. Mario no zentra! Bori no ve manca podè far un colpo (no in banca) de testa e trovar ‘na soluzion, mi no me pronunzio, mi fazo Din-Don. Auguri!
SAGITARIO: ‘sto mese sarà rico de sorprese, e de bolete de pagar. Per fortuna ieri preparai e gavevi messo in taio la tredicesima. Ormai el 2000diciasete xe ‘ndà, e no podè lamentarse, ‘desso dovè vardar’vanti! Andarè a far ‘na gita, ve indormenzerè in coriera. In marzo inizierè un percorso de riabilitazion per via de quela cascada co’i sci. Fortunai in zogo. In amor: nima-nista. Auguri!
CAVRA CO’I CORNI: come che disi Milio Fede, xe sta un ano (el 2017) de m…a. El 2018, sarà ‘ncora pezo, però, se farè quel che ve digo, starè un poco meio. – 1° meteve in dieta – 2° no sbevazar – 3° no fumar – 4° no’ndar con patner altrui – 5° no fuligar altre babe al de fora de Maria – 6° fe le prove contro el muro – 7° no zogar – 8° no ficarghela al prossimo tuo – 9° no parlar monade – 10° paghè un bicer ogni tanto. Nel 2019 referè tuto. Provare per credere! Auguri!
AQUARIO: segno de aria. Ciapere un terno al’8. Cambierè aria, cambierè telefonin, cambierè i stramazi, cambierè molie, cambierè calze, cambierè osteria, vegnerè in circolo Rena, cambierè vin, restarè in mudande. Tuto ‘sto qua poderè far perché se spinaze e anca un poco sgai. El 2018 sarà per Voi, un ano decisivo: o la va o la spaca! Tentè, zerchè, provè, combinè, strafè, zoghè, e corè almeno diese Km. al giorno, se ghe la fè! No stè far finta de gnente!
PESSI: fin in febraio fare ‘ssai conti. Qualcossa no ve bati, inveze, sarà giusto cussì! Paghè! L’Amor xe in fase calante (come sempre), gnanca le pirole no servi più. In magio farè un trapianto (?), Voi savè! In april, i ve farà un scherzo. In magio andarè in campegio. In agosto, ve dirò più ‘vanti, se no ciapè paura. Co’i bori che ve xe restai de tuti i pagamenti che gavè fato, fare un investimento (su le striche pedonali). Ritiro patente per un mese (iera za scaduda de’un ano). Se vardè dove che caminè, no vinzerè mai ne’al’8 ne’a scova quindese. Ve ciamerà l’avocato. (?) Auguri!